CDF Sinah An Hriamtling He A Rak Phan, CDF Nih Phaisa Tamngai An Pek Ve

Kawl ralhrang pawl hi Min Aung Hlaing kuttang i um aduh lo mi an rak tamtuk ve ko. Asinain an chungkhar ruangah maw, an unau ruangah maw, an nupi le fale ruangah maw ralhrang kuttang in chuah awk thalo in an rak tuah hna caah an duh zongah duhlo zongah Min Aung Hlaing kuttang i an um peng nak zong hi asi ve.

Cheukhat a hrutdeuh mi pawl cu ralhrang in an chuah zongah chungkhat unau remrai an rak ngeih lo ruang kan thih le tha, kan nun rih le Min Aung Hlaing ralkap kan si peng ko lai tiah a rak ruat mi zong an um ve ko hna.

Tunai teah CDF-Mindat nih thawngthanh nak an rak tuah mi cu “CDF-Mindat sinah hriamtling he a rak phan mi Kawl ralhrang chungtel pakhat cu CDF-Mindat nih lunglawm tein kan cohlan. Cun thawngthanh nak le biakam nak kan tuah bantuk in Phaisa ting 50 laksawng kan pek” tiah CDF-Mindat nih cun an rak langhter hi asi.