CDF-Matupi Nih Tuanbiathar An Tial Than, Lung A Hmui Tuk Hringhran

Chin ramkulh, Matupi khuapi chung i hrambunh mi kawl ralhrang pakhat cu kawl ralhrang kuttang um hi ka celh hrim ti lo tiin CDF-Matupi sinah tuchun July 18 ah khan a rak phan i sunglawi ngaiin kan cohlan tiah CDF-Matupi nih thawngthanh nak an tuah.

Matupi khuapi chung hrambunh in a ummi kawl ralhrang ခ.မ.ရ(၃၀၄) Phyo Way Oo ၁၂/တတ(နိုင်) ၁၂၄၇၁၁၅ (ကိုယ်ပိုင်အမှတ် တ/၅၁၀၀၉၂ cu a luancia July 10 ah khan CDM a rak tuah cang mi asi. “Sualnak ngeilo mipi a that lengmang tu hna ralhrang kuttang um hi ka celh hrim ti lo, minung lungthin angei lo mi hna le minung hawi cungah zawnruahnak le dawtnak a ngei lo mi ralhrang kuttang um hi ka duh hrim lo” tiin CDF-Matupi sinah a rak zaamnak hi asi tiah CDF-Matupi nih cun thawngthanh nak an tuah hi asi.

Kan sinah a rak phan mi ralhrang chungtel pakhat hi hriamnam loin si ko hmanh sehlaw chia-tha thleidan thiamnak lungthin a ngeih mi ruangah CDF-Matupi nih sunglawi tein kan cohlannak hi asi tiah an langhter chih.

A luancia July 15 ah khan Matupi pengchun vialte ah ralhrang nawlngeitu le hlathlai tu an hman mi Buhmu Than Nain Win cu CDF-Matupi nih an rak thah khawh tiah thawngthanh nak ah cun an langhter hi asi.

Be the first to comment

Leave a Reply

Your email address will not be published.


*