CDF-Hakha thawngthanhnak an tuah. Mipi umnak lei hoih in hriamngan kahnak kong

Mizapi Umnak Lei Hoih In Hriamngan Kahnak Kong Ah Duhlo Langhternak (8/2022)
============
2021 February 1 ni thok in mizapi sin in uknak an kan chuh i rampi nawlngeihnak hramhram in a la mi Min Aung Hlaing le a ralhrang ralkap hna nih mizapi umnak hmunhma lei tinh in hriamngan duhpaoh in an kah mi cung ah CDF-Hakha Council nih fak piin duhlonak kan langhter.

2022 January 9 ah ralhrang nih Rungtlang in hriamnagan an kah mi cu Nabual khuachung ah a tla i inn, lo a rawh pin ah nu pakhat a hliamhma a pu. 2022 March 6 ah ralhrang kah mi hriamngan, Hniarlawm khuahlun khuachung ah a tlak ruang ah nu pakhat hliamhma a tuar. Cun 2022 August 10 ah ralhrang kah mi hriamngan nih Hniarlawn khuahlun Pi Chia Hnem inn cung ah a tlak caah a nunnak a liam.

Hakha peng chung ah ralhrang kut in inn 30 leng a rawk i mipi 6 ralhrang kut in an nunnak a liam. Ralhrang nih mizapi cung ah an kan tuahto hi ruah tik ah lung a fak ko. Cucaah mizapa kut ah rampi nawlngeihnak a phak hlan tiang lungrual tein Min Aung Hlaing le a ralhrang ralkap hna hi doh ti hna u sih.

Cun CDF-Hakha cu mizapi humhim kilvennak caah dirhmi a si bantuk in ralhrang nih mizapi tlerhnak caah mizapi lei hoih in hraimngan a kah mi hi fak pi in kan doh. Hi hnu hmailei cu fak deuh in hma kan lak cang lai caah mizapi zong fimkhul tein thut dir i umkal i ralring hna u sih. CDF-Hakha Council

Zapi Theihternak! August 6, 2022: Ralhrang pawl nih an umnak horkuang chuah tak ngam loin meithal le hriam ngan in an i tlerkhawng. Miphun ralkap hna nih Drone in bomb voi (3) ralhrang pawl an i thuhnak khor ah an thlak khawh! Hliam tuar an tam. Sniper nih pakhat a hrilh.

Be the first to comment

Leave a Reply

Your email address will not be published.


*