CBCUSA nih 10 million Project tiin tlang an au cuahmah mi ah Congthia Khua Nih Phaisa Tam Taktak An Rak Thawh

Tutan CBCUSA nih 10 million Project tiin tlang an au cuahmah mi ah ramleng um kan khua zong nih—$160,000 in kan rak chuak kho ve,Khua min in kan I timh hlan deuh 5million Project tiah an rak au lio ahkhan,Vaurawng le CBCUSA sinah direct in pumpak zeimaw nih $20,000 hrawng an rak pek cang caah,tutan CBCUSA 10 million Project ah khua min in $180,000 hrawng kan I tel ve kho tinak a si.

‘

◼️CBCUSA sinah $130,000 kan pek!!
◼️CNF/A sinah $17,000 kan pek!!
◼️A dang cu kan tlang CDF le kan khua CDF sinah kan pek ve hna!!.

thawngpang dang relchap : SAC Chairman Min Aung Hlaing Cu Russia Ah A Tlawng

SAC chairman general Min Aung Hlaing cu nizaan September 4 zaanlei ah Russia ram a phan, tiah SAC Ministry of Information nih September 5 ah cathanh an chuah. Tutan a khualtlawnnak hi SAC ralkap nih uknak an lak hnu ah a voi thumnak Russia a tlawn a si.

Russia media nih cun tutan khualtlawnnak kong ah general Min Aung Hlaing telh in Chairman of the Standing Committee of the National People’s Congress of China, Armenia prime minister le Mongolian prime minister hna cu September 7 ah Russia pressident Putin he tonbiaruahnak an ngei lai, tiah an ṭial.

Tutan ahhin SAC chairman Min Aung Hlaing le Russia president Vladimir Putin cu a dang tein tonbiaruahnak an ngei lai, tiah fiang tein an langhtermi a um lo.

SAC Ministry of Information nih cathanh an chuahning ah cun tutan SAC chairman a khualtlawnnak ah Russia cozah rianṭuannak ṭuanvo ngeitu hna he tonbiaruahnak an ngei lai. Russia ram hmun minthang, university le sehzung le rianṭuannak hmun hna ah kherhhlainak a tuah lai, tiah an langhter. Credit : The Chin Post