BREAKING : Ralhrang Thazaang 100 Lengkai Le CDF An I Kap , CDF Lei Bawmtu An Herh Cang

Matupi ah SAC ralhrang 100 hrawng an kai caah kahdohnak a fak. CDF-Matupi Battalion (2) nih an humhakmi hmunhma lei ah SAC ralhrang thazaang 100 hrawng cu nihin zinglei ah an kai caah kahdohnak a fak, tiah theih a si.

CDF-Matupi Battalion (2) tuanvo ngeitu pakhat nih, “Nihin zinglei sml. 9:00 hrawng in kahdohnak a chuak. SAC ralhrang 4 hrawng an thi tiah theih a si nain ralram ah a ummi hna he pehtlaihnak kan ngeih khawh rih lo caah fehter khawh a si rih lo. Atu zong kahdohnak a fah liopi a si,” tiah Kawl thawngzamhnak Ayerrawaddy Times ah a chim.

SAC ralhrang nih thazaang tam tuk in an kal hnawh hna caah CDF-Matupi ralkap pawl hi bawmhnak pek zong an herh, tiah a langhter chap. Matupi peng chung phone line a ngah lo caah ralram sining theih a har tiah Matupi tualchung thawngzamhnak Matupi Revolution News nih an langhter.

Be the first to comment

Leave a Reply

Your email address will not be published.


*