Mitlau Kawl Thawng Thanhnak! Kalaymyo, Taungzalatt sang, Naymay-5 ah ummi ngakchia Shin Lian Thang, kum 10 cu nihin August 22, zinglei suimilam 10:00 hrawng ah leng a chuahnak in a ṭin rih lo, tiah theih a si.
Shin Lian Thang cu a holh kho lo mi a si i, a hmu mi nan um ahcun pehtlaihnak tuah ding in chungkhar nih bawmhhalnak an tuah. Pehtlaihnak: PH-09400476695/ PH-09954364818 / PH-09257834793
thawngpang dang relchap : Sagaing Ramṭhen, Bant Bwe Khua Kahdohnak Ah SAC Ralkap 30 An Thi, Tiah Kata PDF An Thanh
Sagaing ramṭhen, Kata peng, Bant Bwe(ဘန့်ဘွေး) khua kahdohnak ah SAC ralkap 30 hrawng an thi, tiah Kata peng tualchung hriamtlai phu nih cathanh a chuah
Kata peng Bant Bwe(ဘန့်ဘွေး) khua ah umhmun khuarmi SAC ralkap 70 hrawng cu KIA battalion 12 kuttang um PDF, Kata pah-kah-phah le tualchung hriamtlai pah-kah-phah phufonh nih nihin August 22 ah an kahdoh hna. Fak ngai in hliamh a tongmi SAC ralkap hna nih hriamngan le van lei in an rak bawmh hna, tiah theih a si.
Cu kahdohnak ah a thimi SAC ralkap hna ruak cu, Bant Bwe(ဘန့်ဘွေး) khua tiva ah tilawng hme mi in an thiar hna, tiah Kata pah-kah-phah nih an thanh.
Kaphnih kar kahdohnak ah tualchung hriamtlai phufonh lei in minung 4 cu hliamhme an tuar i, SAC ralkap nih Bant Bwe(ဘန့်ဘွေး) khua cu an khangh, tiah theih a si.
Leave a Reply