Bomb Puah Hnawh Naak In SAC Raalhrang Minung Pahnih Thi!

Karen ramkulh, Myawaddy-Waylay motor lampi, Kyawwabu (ကျော်၀ါးဗူး) Biakinn pawng ah umhmun a khuarmi SAC ralkap hna cu nizaan August 28 zanṭim ah KNLA tangrual phu, Federal wings le Copra ralkap hna nih drone in bomb an thlakhnawh hna i, ralbawi pakhat telhin, SAC ralkap 2 an thi, 5 hliam an tuar, tiah Cobra ralkap hna sin in theih a si.

Hliam a tuarmi lak ah ralbawi pakhat cu a hliamhma a faak ngai; a ke a bul i, a thih cu a thi rih lo, tiah an chim chap.SAC ralkap hna nih cun vanlawng le tanglei in; thazaang tam ngai in Copra ralkap hna umhmun an khuarnak hmun cu an nam i, Kyawwabu Biakinn pawng ah umhmun an khuar.

Myawaddy-Waylay lampi, Tebawbu(သေ့ဘောဘိုး) le Ukharihta (ဥကရစ်ထ) ralkap sakhan cu KNLA le KNDO tangrual phu nih an lak hnu in, cuka hmun cu SAC ralkap nih lak ṭhan an duh caah ralkap thazaang tam ngai chuah in kahdohnak an tuahnak a si, tiah KNLA tangrual phu hna nih an chim.

Zinglei sang vawleicung pumpululh thawngpang thawngpang tawi

September 19 an chuih mi Italy Serie A ah Juventus team cu AC Milan he an chuih i goal 1 veve in an caan a dih ca ah Group 18 lawng ah an taang. Juventus hi tutan season chung ah puai khat hmanh teinak an hmu lo.

Morinho kuttang ah sungh um lo, i tluk um loin puai 6 teinak a hmu cang mi Roma team hna cu September 19 I Verona goal 3-2 in an tei hna. Morinho hruaimi hna cu a peh in teinak hmu hna hlah hmanh sehlaw Dortmund cu Union Berlin he an chuih i Dortmund nih 4-2 in an tei hna. Dortmund hmaikal Haaland hi puai 67 a chuih chung ah goal 68 a goal cang mi a si.

Spain Laliga tu ahcun Real Madrid team cu nihin tiang teinak pangpar an i tonh rih. Valencia team he an chuih i Valencia nih minute 60 ah goal hmasa an soot nain minute 86,87 ah Benzema le Vinicius nih goal ruah an surter khawh than. Spain Laliga ah Real cu mark sang cem in Group a cung cem ah an dir.

Spain Ligue 1 ah Messi, Neymar le Mbappe an i telnak PSG nih Lyon cu 2-1 in an tei hna. An pathum in a hramthok tein an chuih nain Neymar pakhat lawng nih minute 66 ah penalty in a goal. Lyon nih minute 54 ah goal hmasa an soot nain minute 66 ah Neymar penalty in PSG cu goal an hmuh than.

A caan dih tiang I tluk ding dirhmun an si lio ah PSG lei in minung an thlen i a dihlai ah a lut mi Icardi nih minute 93 ah goal a soot khawh ca ah teinak an hmu than.

Manchester United captain hlun Lingard cu Totenham hmaikal Kane nih a soiselnak daihter khawh ding tiang in ka thiamnak langhter a hau a ti bang in zahan an chuihnak ah goal a soot khawh ve.

Westham Coach David cu nizaan puai a hnu cem minute I penalty an ngah mi cu mi chawngtu thutdan ah a thu i mi chawng in a lut mi Noble nih a goal khawh lo nain, a chiatnak chim loin a huhpheng tiah hmuh a si.

Be the first to comment

Leave a Reply

Your email address will not be published.


*