Bago Ramṭhen, Waw Peng Sinywar Tiva Ah Hriṭemmi Ruak Pakhat An Hmuh

Bago Ramṭhen, Waw Peng Sinywar Tiva Ah Hriṭemmi Ruak Pakhat An Hmuh! Bago ramṭhen, Waw(ဝေါမြို့) peng Sinywar tiva ah a ke hriṭem mi pa pakhat ruak cu ticung ah a rak laang mi hmuh a si, tiah tualchung mi nih an chim.

Miruak an hmuhnak hmun hi Waw peng, Sinywar (ဆင်ရွာ) pawng Joe Lay (ဂျိုးလေး) hlei kam Sinywar tiva ah a si i, nihin August 24 zinglei suimilam 8 hrawng ah ti nih a rak fanh lio cu kan hmuh, tiah tualchungmi nih an chim.

Mit hmutu hna nih cun, “Hriṭem in an hremmi a lo, a ke cu hri aa ṭem i a hmai cu hliamhma lawngte si,” tiah an chim. A ruak cu khuami hna nih an fimhlawm, tiah theih a si. Ruak an hmuhnak pawng khua; Sinywar le Joe Lay khua ah hin SAC ralkap pawl cu nili dan ah voikhat hrawng tal an lut tawn, tiah theih a si. Credit : The Chin Post