Ayeyarwaddy Ramṭhen, Bogale Khua Ah Rohingya Pawl Citmi , Lawng Ah Ruak 6 Hmuh A Si

Ayeyarwaddy ramṭhen, Bogale(ဘိုကလေးမြို့) peng rili kam ah tilawng a rawkmi pakhat cu SAC ralkap nih an tlaih i, cu tilawng chung ah cun Rohingya mi 65 an um i nu pathum le pa pathum cu eidin tirawl an ngeih ti lo ruangah an nunnak a liam i, a tangmi minung 59(pa 36 le nu 29) cu an ngandamnak check ding in palik nih an kalpi hna, tiah theih a si.

Ahmar(အမာ) khua Kayatkyi (ဂယက်ကြီးကျွန်း) rili kam ah tilawng a rawkmi pakhat cu SAC ralkap nih an tlaih i a chung ah rawlṭam in a thimi 6 ruak cu an hmuh. Tilawng hi zeitik ah a rawh ti cu fiang in theih a si lo. A nungdammi 59 hna zong an ngandamnak a ṭhat lo ruang ah Bogale sii-inn ah an zohkhenh lio hna, an ngandamnak a ṭhat in palik nih hlathlainak an tuah te hna lai, tiah SAC ralkap he aa naihniam mi pakhat nih a chim. Credit : The Chin Post