Ayadaw Peng Ah Rallam A Sialmi SAC Ralkap Kah An Ton Caah 5 An Thi

Ayadaw Peng Ah Rallam A Sialmi SAC Ralkap Kah An Ton Caah 5 An Thi. Sagaing ramṭhen, Ayadaw peng Malaythar khua in a chuakmi SAC ralkap cu PDF nih kan kah hna caah 5 an thi, Danger Force LPDF phu in ṭuanvo ngeitu pakhat nih a chim.

February ni 24 zing suimilam 10:00AM in Ayadaw peng Malaythar khua ah umhmun a khuarmi SAC ralkap nih, hriamngan in khuachung ah an kah hnu ah rallam an sial i, Nyaungpin khua pawng ah PDF nih an kah hna caah 5 an thi, tiah theih a si.

“Malaythar khua in a chuakmi SAC ralkap pawl cu lamhruang in kan bawh hna i minutes 30 tluk kan kah hna caah ralkap 5 an thi, 3 hliamhma fak ngai an pu,” tiah Danger Force LPDF in ṭuanvo ngeitu nih cun a chim.

Cu kahdohnak ah Danger Force LPDF, Linyung Force, Ayadaw Falcon Force (AF2), Myinmu Guerrilla, Tapengeo Guerrilla, Spring Force, Kyeni, NDRF le MRTF hna i bawm in an kah hna, tiah theih a si. The chin post