AUGUST.16:Tamu Peng Ah Chinmi Pa Pakhat Cu SAC Ralkap Le Pyusawhti Nih An Tlaih!

AUGUST.16:Tamu Peng Ah Chinmi Pa Pakhat Cu SAC Ralkap Le Pyusawhti Nih An Tlaih!

Tamu peng chaklei um Tanan khuami Thang Khan Suan (kum 22) cu Tamu khua in an khua lei a kir lio, an khua luh lai ah SAC ralkap le Pyusawhti nih nizan August 15 chun sml 12:00 hrawng ah an tlaih, tiah theih a si.

Thang Khan Suan cu Tamu ah thing ahnak seh cawk ah a kal i, a kir lei ah SAC ralkap le Pyusawhti nih cun an tlaih i, Myothit sakhan ah an kalpi.

A chungkhar nih atu tiang an tong kho rih lo. Thang Khan Suan cu thing ah le zungthiam, inn sak ti bantuk in a chungkhar a cawmmi a si i, a unau lak ah amah hi upa bik a si, tiah theih a si. Tanan khua cu Tamu in meng 30 hrawng a hlat i, SAC ralkap, Pyudawhti, Shan tapung le Kate tapung an tamnak hmun a si.

North Korea he Pehtlaihnak Ṭha Chin Kan Ser Lai – Russia! North Korea ram he pehtlaihnak ṭha deuh kan ser lai, tiah Russia President Putin nih a chim. Ramhnih kar pehtlaihnak ṭha kan sermi nih hin chawlehnak lei ah hlawknak tampi a chuahpi lai, tiah North Korea Independent day ni i Putin cakuat mi ah cun aa tel.

North Korea le Russia cu Vawlei ralpi pahnihnak lio Japan ral in teinak kan rak hmuh hnu in kaphnih kar ah pehtlaihnak ṭha a ngeimi kan si, tiah Kim Jong Un nih cun a chim ve.