Kalaymyo nitlak thlanglei Layeihsu(လေးအိမ်စု) khua inn hnih le UG(Underground Group) sakhan pakhat cu SAC ralkap nih an khangh leng ah Lei rian ṭuantu khuami 2 cu SAC ralkap nih an thah hna, tiah theih a si.
Nihin August 16, zinglei suimilam 6:00 hrawng ah SAC ralkap 50 hrawng nih Kalaymyo nitlak thlanglei ah rallam sial in, UG sakhan cu an khangh. Kutser rifle pakhat, phone le thilri zeimawzat kan sung, tiah PDF-Kalay battalion 2 nih cathanh an chuah.
UG ralkap cu an him dih nain, an sakhan pawng ah Lei rian ṭuantu tualchung mi 2 cu SAC ralkap nih a ruang um lo in an kahthah hna, tiah theih a si.
Cupinah SAC ralkap hna nih Layeihsu(လေးအိမ်စု) khua ah lut in, khuami umnak inn 2 an khangh. SAC ralkap hna cu Letpankhon(လက်ပံခုံ) khua in Kalaymyo dah-kah-sah hmun lei ah an kir, tiah theih a si.a rel tu nan cung ah kan i lawm
Leave a Reply