August 16: Kalay peng ralzammi bawmhnak caah tiin Aizawl, Mizoram ah bawmhhalnak an tuah i Rupees sing 5 leng an hmuh cang

August 16: Kalay peng ralzammi bawmhnak caah tiin Aizawl, Mizoram ah bawmhhalnak an tuah i Rupees sing 5 leng an hmuh cang

India ram, Mizoram khualipi Aizawl ah tuahmi kalay peng ralzaam bawmh halnak ah Rupees 503,534 (kyats 140) leng an hmuh, tiah theih a si. Aizawl khualipi ah a luancia July ni 29 ah Rupees 92,860, August ni 6 ah Rupees 152,079 le nizan August ni 15 ah Rupees 258,595, a dihlak fonh in Rupees sing 5 leng an hmuh cang, tiah theih a si.

Kan herh lio caan i a kan bawmtu, hi bantuk in kan holh aa khat lo nain Myanmar ralzaam ca ah kutsamh in a kan dirpi i a kan kilkamhtu mizo kan unau hna, nan cawlcanghnak kan hmuh tikah unau taktak bantuk in nan kan ruah i kan hnangam, kan i lawm tuk, tiah kalay peng bawmchantu phu in an hruaitu pakhat nih a chim. Tutan kan hmuhmi cu kalay peng khua 10 ah pekchanh ding in timhtuahnak kan ngei, tiah a chim chap.

Mobile Charity Concert hi kalay peng ralzaam hna ca ah, mizoram siangngakchiabu MZP, NGO, United for Democratic Myanmar le Mizoram hlasakthiam MZI, MDM, PUMP hna hruainak in an tuahmi a si, tiah theih a si. Nizan a voithumnak an tuahmi cu vaivakawn, Chanmari, Zarkawt bazar le Israel point ah a si i mizoram hlasakthiam le Myanmar in hlasakthiam zeimawzat nih an telpi hna, tiah theih a si.

Kalay peng ah SAC ralkap le tualchung hriamtlai phu kar kahdohnak cu a fah tuk caah SAC ralkap nih mipi innlo le an eidin tirawl hna cu an khanghpiak hna i, ralzaam 50,000 hrawng an um cang, tiah theih a si.

Be the first to comment

Leave a Reply

Your email address will not be published.


*