Apoi Tuk E : CDF-Hakha Ralkap “Salai Biak Hnin” Nih Kan Ram Le Miphun Caah A Nunnak A Pek

CDF-Hakha Ralkap “Salai Biak Hnin” Nih Kan Ram Le Miphun Caah A Nunnak A Pek Nizaan July 14, Dokthek le Chuncung karlak kahdohnak ah CDF-Hakha in Salai Biak Hnin nih ram le miphun ca ah a nunnak a pek. CDF ralkap a hawile nih a ruak zong tlamtling tein an lak khawh.

Salai Biak, nangmah cu na ralkap hawi le na miphun hawi dihlak nih a sang bik upatnak kan in pek🙏 Teinak kan hmuh hlanlo nan rian hmabang hi kan rak peh zulh lai….. Ram le miphun dawt ruangah a kan liamtak cang mi kan hawile vialte hna zong kha nan thachia hlah ulaw kan hawile nih an doh cuahmah ko hna ee, kan tei dengmang cang ee tiin kan chimh piak te hna mu😭😭😭 Duat Hming Lian

Thawngpang dang relchap : PheKone, SAC Ralkap Sakhan Kahdohnak Ah SAC Ralkap 11 An Thi

Shan – Karenni ramkulh a pehnak hmun phekone um SAC ralkap sakhan cu kan kah i SAC ralkap 11 leng an thi tiah Central Special Operations nih nihin July 15 ah an thanh.

Kahdohnak cu nizan July 14 Pingne Kone le Makhekhan khua hna ah umhmun a khuarmi SAC ralkap sakhan cu Central Special Operation, PheKone PDF Battalion 2, InnLay PDf le Naypyidaw PDF hna i bawm in an kahdoh mi hna a si.

Mizapi vengtu ralkp phufonh hna nih pehtlaih nak thilri an chiahnak hmun le eidin an chiah nak hna cu RPG in an kah i cu kahdohnak ah cun SAC ralkap 11 leng an thi tiah an langhter. SAC ralkap nih hriamngan hmang in an kan kah ve ko nain hliamtuar mi um lo tein hnu kan tolh kho tiah an langhter.

July 13 zongah PheKone nichuah lei um Sang Naan Khe le Taung Puh Kuai khua karlak ah SAC ralkap sakhan cu Phekone PDF battalion 2 nih Suimilam pakhat chung hrawng an kah i SAC ralkap 5 an thi tiah an langhter. Credit : The Chin Post

thawngpang dang relchap : BreakingNews! Tuzaan Kalaymyo Chungah Fak Ngaiin Kahdohnak A Chuak

Kalaymyo Ah Meithal Kah Thawng Le Hriamngan Puah Thawng A Thang! Nihin July 14, zaanlei suimilam 6:30 hrawng ah Kalaymyo khuachung Tahan ah kahdohnak a chuak, tiah Tahan sangchung ummi pakhat nih Delta News Agency ah a chim.

“Kalaymyo, Tahan sang Nay Kya Taith (နေကြာတိုက်) pawng SAC ralkap hna cu ral an vennak hmun ah kah an tong i, minung 2 hrawng hliamh an si,” tiah a chim. SAC ralkap nih hriamngan in an kah hna caah Tahan sang F group sianginn pawng ah ummi inn pakhat cu hriamngan nih a khen, tiah theih a si.

Kalaymyo nitlak lei Tahan sang i kahdohnak a chuah hnu tlawmpal ah Kalaymyo nichuahlei Tazin sang, LanmaDaw lamkam ah nurse sianginn ah a ummi SAC ralkap nih lampi ah cycle he a kalmi cu an kah hna caah tualchung mi 2 hliam an pu, tiah theih a si.

Tuzaan suimilam 8:30 hrawng tiang Tahan sang ah meithal kah thawng theih a si rih i, hriamngan puah thawng zong theih a si. Kalaymyo 288 in SAC ralkap motor 3 cu Tahan lei ah a rannak in a kal, tiah lamkam lampi ah ummi nih an chim. Credit: The Chin Post

Be the first to comment

Leave a Reply

Your email address will not be published.


*