Afghanistan Ram Ah Mizapi Eidin An Har!

Afghanistan Ram Ah Mizapi Eidin An Har!

Afghanistan ram ah miharsa bawmhchanhnak a tlawm tuk cang caah a minung nuai renglo nih eidin ah harnak an tong, tiah United Nations Assistance Mission in Afghanistan Ramiz Alakbarov nih a chim.

Milu 19 million renglo cu eidin an harsa i cu chung ah 6.6 million nih lakhruak in eidin bawmhchanh an herh, tiah a chim chap. Afghanistan ram ah 40 million renglo milu an um i cu chung ah 35 million cu mi harsa an si. Afghanistan ram ah cun chawlehnak a tlak tuk caah ramchung thilman zatuak ah 30% a kai, tiah theih a si.

Afghanistan ram cu kum 20 chung ramleng bawmhchanhnak in a rak dir i, cozah tangka zatuak ah 75% zong ramleng bawmhnak a rak si. A luancia kum ah Taliban nih uknak an vun tlaih hnu in ramleng bawmhnak cu an rak phih hna, a bik in Electric, Ngandamnak le fimcawnnak hna zong a hlan bantuk in a kal kho ti lo.CRD.THE CHIN POST

Be the first to comment

Leave a Reply

Your email address will not be published.


*