A rannak in rak Share ulaw Ralhrang JCB pali,thilphor motor aihre 3 le hlei tleihtleng thirtluan pawl he Timit lei panhnin an i

A rannak in rak Share ulaw Ralhrang JCB pali,thilphor motor aihre 3 le hlei tleihtleng thirtluan pawl he Timit lei panhnin an i thawh . Rak #share zokzok cio ulaw.

Ralhrang motor hring pathum, thilphor motor aihre 5, pinah motor sawh pawl zong an um pah rih an ti.Tuhi Khuathar an lonh cang i Timit chuk an zuan lio hna si.

Credit: Salai Williams Hlawnceu

Relchap: Hakha Township People’s Conference Kong Thawngthanh

The Lairam Times

West Lairam, Lawngtlai, 17 Zing 2022: Ralhrang Min Aung Hlaing nih uknak lak a timhni 1 Nohawng thawk in Pau Dohthlennak thawk a si i Hakha peng zong ah nihin tiang ni 589 chung ngol loin tuah a si. Pau Dohthlennak cu a thawn chin nakhnga 9 Zing 2022 ah palai 300 tluk hna nih Conference tlamtling tein an tuah i Hakha peng dohthlennak cu Conference nawlpeknak he pehzulh in kalpi a si lai, tiah a tanglei bantukin thawngthanhnak an tuah.

Conference biachahnak biapimi hna

1. Hramhram uknak le mi tam namneh uknak in Chin miphun le ram kan luat hlan lo pehzulh in dohthlennak tuah ding le CNF/A he naihniam tein riantuanti ding.

2. CDF-Hakha Council cu Mie peng, Senthang peng, Zokhua peng, Hakha khuapi ti’n dohthlennak caah aa funtommi bu a si bantukin Hakha peng chung dohthlennak caah CDF-Hakha Council lawnglawng dotlami a si. Cucaah Pau Dohthlennak a dih hlan chung cu Hakha peng chungah (hriamtlai/uknak) phu dang tuah lo ding.

3. Hakha peng chungah Conference hlan i a rak ummi phu vialte cu Conference tuah ni 9 Zing 2022 thawk in hrawh le CDF-Hakha Council he aa pehtlaimi lawng nunter a si. Cucaah hmun dang in dohthlennak phu dang hna nih Hakha peng chung dohthlennak kong ah CDF-Hakha Council dah ti lo a dang pehtlaihnak tuah lo ding.

4. Conference hnu cun Presidential System in thithruainak kalpi ding, Hakha peng runvennak le humhimnak siseh, phungsernak, uknak le biaceihnak siseh, CDF-Hakha Council nih tuanvo lak ding.

5. CDF-Hakha Council nih dohthlennak caah a fehtermi phung ning in tuahmi paohpaoh cu dohthlen lio ah siseh, dohthlennak a dih hnuah siseh, tazacuai dantat khawh a si lai lo i CDF-Hakha Council nih phung ning in a tuahmi vialte cu dothlennak a dih hnu mizapi cozah nih pehzulh in tuanvo a lak lai.

Hakha peng dohthlennak tuanbia tawi

1. 7 Nohawng 20ni22  thawk in Biangreithlep  thla tiang lamzawhnak  ngeih a si i minung 30,000 tluk an rak si.

2. Nohawng 2021 zarh khatnak in cozah riantuan hna nih CDM tuah hram an thawk i Hakha i department zung 74 in minung 4,000 (95%) tluk nih CDM an tuah.

3. 21 Vaupi 2021 Hakha peng chung pengtlang dihlak aiawh meeting ah hriamtlai dohthlennak tuah ve ding in CDF-Hakha dirh a si. Ral voi (103) an tu cang, ralhrang  (419) an thah hna i ralhrang (192) an hliam hna. Kawlram ah khuapi kahdohnak a tuah bik an si i voi (50) renglo an tuah cang.

4. Hakha peng chungah ralhrang tlaihkhih a tongmi minung (337) an si, minung (309) an chuak than i (28) hi an taang rih, ralhrang kut in mizapi minung (6) nunnak a liam, inn (27) an khangh, ralhrang bomb nih inn (3) a hrawh.

5. Hakha peng cu a vawlei in zatuak 90% leng an control khawh cang. Ramchung ramleng in dohthlennak a dirkamhtu mizapi an cungah kan i lawm. Ram le miphun caah,

Chinland Defense Force – Hakha Council tiah cathanh an chuah.

Credit: The LaiRam Times

Be the first to comment

Leave a Reply

Your email address will not be published.


*