Pyay Myo i ralhrangpa nam in a sawhtu Tang 7 sianghngakchiapa kong ruah ah lungfaktuk a si

Pyay Myo i ralhrangpa nam in a sawhtu Tang 7 sianghngakchiapa kong ruah ah lungfaktuk a si

Sianginn a hnakmi ralhrang ralkappa Nam in sawhnak kongah….

Pyay Myo i sianginn security a hngakmi ralkap pa namte i a sawhtu tang 7 sianghngakchiapa cu kahdohnak lakah a thi tiah neihniammi pakhat nih a chim

August ni 3 i Pyay Myo Hmawza chung in Basic High School ah security a tuanmi ralkappa cu tang 7 telawng a simi Mg.AAcit nih nam in a sawh i cuni lila ahcun AAcit i a nu ,a u le a hawi le minung 7 telh in an rak tlaih hna.

Khuami pakhat nih”Atu cu an dihlak in an thlah cang hna.A hawipa pakhat belte an thlah rihlo,a nu le a pa le he zong hmuhtohter an duh hna lo i ho he hmanh tonter an duhlo.AAcit zong August ni6 ah an thah.

Curuangah a hawipa hi AAcit an thah a theitu a si caah thlahlo in an hren pengnak hi asi.Amah zong cu AACit cu hliamhma fahnak ruangah a thi tiah court ah an chimter.

Cun sianginn zong hi mah bantuk thahnawnnak tuah ruah ah kan ra kaimi si tiah an chimter fawn.Curungah cun atutiang amah hi thlah a silonak asi tiah biathli theih asi.

An thlahmi hna a hawi le zong cu aamahkhan in an chuahmi hna a si i an nunnnak caah thinphang a si pinah a tutiang tihphannak in an khah caah bia zeihmanh hal awk an thalo.

AAcit i a pa hi a luanciami thla6 ah khan a thi cang tiah theih asi.Neihniammi pakhat nih cun ” AACit hi midai te le nawl ngaimi asi.Mah security ralkappa nih hin an nu le he tahchunh in an pamhvolh peng hna caah nam in a sawh hi asi”tiah ati.
Hliamhma pumi ralkappa cu Siizungah an thlopbl cuahmahlio si.

Be the first to comment

Leave a Reply

Your email address will not be published.


*