Ngiarnak a Zualhmat caah China nih a Raltukna Vanlawng le Tilawng Taiwan kap tiang a Kuat A Si…. =====================================================================

Ngiarnak a Zualhmat caah China nih a Raltukna Vanlawng le Tilawng Taiwan kap tiang a Kuat A Si….
=====================================================================
Friday ah khan Taiwan pawngah China nih a raltuknak vanlawng le tilawng in raltuk a kan cawnhnawh, tiah Taiwan defense ministry nih a chim. Tutan zarh i Pelosi ni a tlawn hnu ko hin ngiarnak a zualhma chinchin, tiah theih a si.

China le kan karlak rili cung tiang Chinses People’s Liberation Army an hung phan. Hi an tuansernak hi mi ngiartau an duhtuk bia rumro a si, tiin Taiwan nih an chim.
Hi rili hmunhma hi aho ta theng a si lo nain, tuan ah cun kaphnih nih an upatmi hmunhma a si. Taiwan nih radio in ralrin a pek hna i, a van ralkap, tilawng le rilikap i a tunhmi a missile system pawl zong ralring tein sentari a conghter hna, tiah theih a si.

“Kan tikulh ram nih hin ‘zalonnak le democracy’ ai kan awh i, innpa thalo kan i ngeih i, kan tumbut tiang kar hlang in a balah a kan piah, vawlei cung i hmanbikmi rili ah raltuk a kan cawnhnawh,” tiah Friday ah Taiwan’s Preier Su Tseng-change nih a chim.
Taiwan lawng si lo in Japan zong a ngiar chih cang caah, Taiwan velcheh i rili hmunhma le van vialte cu Beijing nih ai hmaithlakmi ah an cang. Japan i a Exclusive Economic Zone ah China nih missile 5 a kah caah Japan nih phungning tein duhlonak a langhter.

Thursday ah khan China nih missile tor le cheng a kah i, a cheu cu Taiwan cung in an zuang. A thaizing Friday ah Pelosi cu Tokyo lei a panh i, Japan Prime Minister Fumio Kishida a vung ton.
Tuan zongah khan Taiwan pawng rili ah China nih missile a kah bal cang. Taiwan hi democratic tikulh ram a si i, minung 24 million khua an saknak ram a si. A uk hrim a uk balmi zong a si lo nain, Taiwan hi China nih amah hmun ah ai ruah peng. A hleice in 1990 hrawng i Tawan tikulh buaibai lio zongah khan China nih a uk bal hrim lo.

Taiwan cung zawn i missile a kahmi cu buainak tuah a duh, ti a fiang i, hi nak tamdeuh pi missile a kah chap khawh rih mi a si, tiin US officials nih an chim.
“Hi bantuk karhlan hi China nih a tuah te lai, ti cu kan zumh cia mi te a si – a ngaingai ah cun, hi bantuk cawlcanghnak hi China nih a pelhzulh ko rih lai. Hihnu zongah lehnak a tuah ko rih lai,” tiin US National Security Council aiawhbiachimtu John Kirby nih a chim.

An boruak cuan dingin kan US aircraft carrier hi hihnu ni tampi chung cu Taiwan velcheh ah a um rih lai, tiin Kirby nih a chim.

Tutan i China nih raltuk cawnnak a tuahmi hi kan ram le kan mipi hna himnak kongah biapihla ngai a si. Cucaah, hi raltuk cawnnak hi China nih a ran khawh chungin ngol seh, ti kan duh. Taiwan Strait ah daihnak a um khawhnak lai US le kanmah Japan rian kan tuanti lai, tiin Kishida nih a chim.
WHO hei ti bantuk international groups ruam i China nih Taiwan phenhei a timhmi hi a diklo mi tuahsernak a si, tiin Friday i Tokyo i bia a chimnak ah Pelosi nih a chim.

Taiwan hi ramdang tlawng lo ding asiloah ramdang he i pehtlai lo dingin kham an i zuam ko lai. Asinain, ramdang mi nih Taiwan lei tlawn ngah lo ding tiang in cun an kham kho lai lo. Taiwan ka hung tlawnnak a ruang hi Taiwan kong i US kan dirhmun thlen duh ruangah a si lo, nunter le dirpi duh ruangah a si, tiin Pelosi nih a chim.

China Missiles nih ‘Phannak’ an chuahter lem lo
Thursday in khan Taiwan kingkap ah heh tiah China nih raltukcawnnak a tuah i, Pelosi nih Taiwan a chuah tak hlan ah Taiwan rili in northeast le southwest lei ah heh tiah missile a kah.
Taiwan defense missiles nih a venmi anmah airspace tiangin siseh, Taiwan ram chungpi i a cunglei tiang phan in missile kan kah, tiah CCTV ah Chinese military expert nih a chim.

“Buainak asiloah alhnialnak chuahpi kan duh bia a si lo. Asinain kan nawlngeihnak le rammi himnak hi fektein kan runven a hau. Cun kan democracy le ka zalonak hi kan kilven a hau” tiin Pelosi nih a chim.
Group of Seven cung zongah a lunglomhnak a langhter. Hi ram 7 hi vawlei cung i economic nganbik ai ngeihmi an si i, China nih kuan taktak in raltuk a cawnmi kongah an lungre a theihnak an langhter i, a kiangkap raminnpa cung i a dirhmun (tuanvo ngei) thenglo dingin thazang an pek, tiah theih a si.
China nih raltukcawnnak a ngeihmi ruangah vanlawng le rili khualtlawnnak a hnuarsuan ngaingai i, a cheukhat international flights zong an let, Taiwan rili a zul tawnmi tilawng zong lamdang in an kal tiah theih a si.

Taiwan pawngkap i hmunhma 6 ah raltuk kan cawng lai. Cucaah, cuka hmunhma velcheh ah cun tilawng le vanlawng nan kalter lo ah a tha lai, tiin Tuesday ah khan Chinese Defense ministry nih ralrin a pek hna.

Taiwan Strait hi China, Japan, South Korea hei ti bantuk northeast Asia ram ah a siseh, cun a dang vawlei cung ram pumpi hna an karlak i tilri tor le cheng a purmi rili tilawng ngangan an hlatnak lampi a si.credit .Global rawm chin news….>>>>

Be the first to comment

Leave a Reply

Your email address will not be published.


*