13.August; Datsi Man Nikhat Hnu Nikhat A Kai Chin Lengmang! 92 Thawl Khat Ah Ks. 2855 Tiang A Phan!

13.August; Datsi Man Nikhat Hnu Nikhat A Kai Chin Lengmang! 92 Thawl Khat Ah Ks. 2855 Tiang A Phan!

Datsi 92 thawl khat(1 liter) ah kyats 2320 in 2855 tiang a kai. Nizan August 12 nakin nihin August 13 ah kyats 75 in a kai deuh, tiah SAC kuttang datsi cawk zuarnak Committee nih cathanh an chuah.

Yangon ah 92 datsi thawl khat ah kyats 2320 a si i, hmun dangdang ah cun thawl khat ah 2855 a phan. Nizan August 12 ah datsi 92 thawl khat ah kyats 2320 a si i, nihin August 13 ah cun thawl khat ah 2855 tiang a phan cang.

Datsi man a kai tuk ko nain, nifatin in khuapi cheukhat ah cun datsi cawk ding in datsi dawr ah an i tlar lulh ko. “Datsi phortu tilawng cu an rak phan cang ko nain an kan pe rih lo. A ruang cu SAC nih kan herh ning zat nih dollar an kan chuahpiak lo caah datsi man kan pe kho hna lo,” tiah datsi cawtu hna nih an chim.

Min Aung Hlaing nih kum khat ah dollar 1.3 billion kan laakmi kan ṭhumh deuh lai a ti hnu in datsi phorh ding ah SAC nih dollar a chuahpiak ti hna lo caah harnak nganpi kan tong, tiah chawlehthalnak a tuahtu hna nih an chim.credit. the chin post

Be the first to comment

Leave a Reply

Your email address will not be published.


*