12>August; Myinchain Ah Cycle In Tower Tung A Vengtu SAC Ralkap Bomb Puahhnawh An Tong I, 6 An Thi!
Mandalay ramṭhen, Myinchain peng ah cycle in tower tung a vengtu SAC ralkap hna cu tualchung hriamtlai phu nih bomb an puahhnawh hna caah SAC ralkap 6 an thi, tiah Naung Yoe-NYSGF nih an thanh.
Myinchain peng, Simikhung sianginn ah umhmun a khuarmi SAC ralkap nih Simikhung Nabuuai motor lamkam um mi tower tung hna cu runvennak an tuah i, August 11, zaan suimilam 9:00 ah bomb puahhnawh in doh an si, tiah theih a si.
SAC ralkap nih tower tung runvennak an tuah tawn ti theih a si caah, cuka lampi ah cun bomb rak hmanhcia in zarhkhat reng lo tualchung hriamtlai phu nih an bawh hna, tiah theih a si.
SAC ralkap cycle 3 cu bomb nih a hliamh caah cycle 3 ah a cuangmi SAC ralkap 6 cu a hmun ah an thi colh, tiah Naung Yoe-NYSGF in ṭuanvo ngeitu nih a chim.A rel tu nan cung ah kan i lawm
Leave a Reply