12 .August.!Ye-U Peng Ah Tualchung Hriamtlai Phu Hmanhmi Bomb Puahnak In SAC Ralkap 10 An Thi>>>.

Nihin August 12 zinglei suimilam 8:00 hrawng ah Sagaing ramṭhen, Ye-U peng Chainta khua ah zaan a riakmi SAC ralkap 120 hrawng cu tualchung hriamtlai phu hna nih Kun Ohn(ကွမ်းအုံ) khua pawng ah an rak doh hna, tiah theih a si.

Tualchung hriamtlai phu lei nih timhcia tein bomb an rak hmanhnak hmun ah SAC ralkap pawl cu an phan i, bomb puahnak in SAC ralkap 7 an thi. Kaphnih kar kahdohnak a nih a zulh i, SAC ralkap 3 an thi ṭhan, tiah DPRA nih an thanh.

Kaphnih kar kahdohnak ruangah tualchung hriamtlai phufonh lei in minung 2 hliamhma an tuar, tiah theih a si. Cu kahdohnak cu DRPA, FRF, Shwebo pengkomh battalion 9, Shwebo pengkomh battalion 11 le tualchung hriamtlai phufonh nih SAC ralkap cu an doh hna, tiah theih a si.A rel tu nan cung ah ikan i lawm