Ṭio Tiva Ah A Pammi Salai Rung Lian Cung Ruak Cu Ni 3 A Rauh Tiang Ah Hmuh A Si Rih Lo!

Ṭio Tiva Ah A Pammi Salai Rung Lian Cung Ruak Cu Ni 3 A Rauh Tiang Ah Hmuh A Si Rih Lo! India-Myanmar ramri Ṭio tiva ah takkholhnak in a pam mi Salai Run Lian Cung, kum 15 cu nihin July 5 tiang ah a ruak hmuh a si rih lo, tiah theih a si. Salai Run Lian Cung cu Hakha khuasa mi a si. Mizoram ah caw a khal i, Ṭio tiva ah July 2 ah khan a pam!

Ti a pamlio ah cun a hawile nih chanh khawh an i zuam ko nain, an rak chanh kho lo. Fur caan a si caah Tio tiva cu a lian i tihrah a ngan caah tilio thiammi hna zong ruahlopi in an i chuahsualnak tawn. Salai Run Lian Cung ruak cu Mizoram le Thantlang peng khua kiangkap ummi hna nih nifatin an kawl nain nihin July 5 tiang ah an hmu rih lo. Credit : The Chin Post