Zualko : Pasaltha nih A Nunnak A Pek Than Apoi Taktak Si

Tlangval note lawng a si rih mi Bung Myint Aung (kum 19) nih a nunnak a pek than e tiah theih asi. A mah hi SAC ralhrang nih an tlaih hnu ah bia halnak hmun ah an thah lawlaw mi a si tiah an chim.

Bung Myint Aung hi November 22, 2021 ah SAC ralhrang nih an tlaih mi a si. Nizaan November 23, 2021 ah khan Sit-kyaw-zi timi bia halnak hmun ah faak tuk in an hremnak ah a thi tiah PDFS nih an langhter.

Pasaltha mifim, mino te a simi chungkhar nih a dawt tuk mi a si nain a ruak hman sunglawi tein an fimtawl kho ti lo. A ruak fimnak kong ca an tial mi te zoh ah thinlung a faak ngai ngai.

“Mg. Bung Myint Aung hi mifim cathiam a si. Yangon a umnak sang le veng nih cun an theih ngai ngai mi asi. Mirang holh zong a thiam ngai i ramdang minung an rat caan paoh ah holh a leh piak tawn tu hna zong a si. Sang le veng nih kan bochan mi zong a si” tiah a umnak sang minung pakhat nih Khit Thit media sin ah a chim.

White Board sawhsawh tein a thihnak thawngpang tlawmpal le a ruak fimnak kong cu a chungkhar nih an tial i “Mg. Bung Myint Aung cu November 23, 2021 ah an kan thih tak i a ruak cu November 24, 2021 ah vui a si lai” ti bantuk vial lawng in an lanhgter.

SAC ralhrang nih an tlaih, an hremnak ah a thi timi te hmanh hringtu nulepa nih an langhter ngam ti lo. An thinlung cu a kekkuai tuk ve ko lai mu. Laikokekjournal

Leave a Reply

Your email address will not be published. Required fields are marked *