Press "Enter" to skip to content

Zangfak Tuk E : Chin Mi Chungin Ngakchia Naute Hlonh Um Ve Cang Mu

Tedim Biakinn chung ah ngakchia chuakka te an hlonh. Tedim khuapi Lawibual sang, Lawubual Baptist Church Biakinn chung i pulpit ah ngakchia chuakka te an hlonh.

Cu ngakchia te cu zinglei thlacam ah a va kalmi nu pakhat nih ka hmuh tiah Zalen News ah a chim. Lawibual sang uktu Pu Vung Cin nihcun ” Tuzing sml 5:00 hrawng ah Biakinn ah thlacam ah a va kalmi nu pakhat nih a hmuh. Zoh ning ahcun ngakchia te hi a chuahnak nihnih thum hrawng a si lai” tiah a chim.

Puan tha te zong in an tuan lo. Nau puan lawng in an rak tuam. Cu ngakchia te cu khua chung ah nau a ngei kho lomi nupa nih kanmah nih kan i cawnken lai tiin Khrihfabu sinah an hal i an lak cang.

Cu hna nupa cu an i umhnak kum 10 leng a si cang i fa an duh tuk ruangah Mandalay tiang cawm dingmi fa an kawl. Sinain an hmu kho lo. A tu naute an hlonhmi cu mah hna nupa nih cawm dingin, an fa si dingin an i lak cang tiah Pu Vung Cin nihcun a chim chap. Zalen

Biachap: Vawlei cung ahhin nau a ngei kho lomi tampi lak ah nau ngei kho kan si hna hi Pathian thluachuah taktak a si. Cu lio ah kan hrin ciami fa hna kan duh lo i kan hlonh hi cu a poi taktak mi khi a si. A sinain tutan hi fa a rak ngei kho lomi nupa hna caah Pathian khuakhan a si ko lai. An mah nuva nih naute cu tha tein an cawmken lai i an fa ah an i lak cang. Naute cu Pathian nih dam tein umpi ko seh. nitinthawngzamh

Be First to Comment

Leave a Reply

Your email address will not be published. Required fields are marked *