Press "Enter" to skip to content

Youtube Nih Trump A Hrem Than I Hremnak Phun 3 A Um Dan Zong An Fianter Chih Colh

Youtube nih cun US president tuan cuahmah mi Donald Trump i Channel cu video thar le thawngpang thar upload kho lo dingin a phihpiak i zeitik tiang dah a phihpiak lai timi cu a langhter loh. Cupin ah President Donald Trump cu hremnak dang tong than lo dingah ralrinnak a pek colh.

Tu i dirhmun Trump an hrem dan cu video thar le thawngpang thar Thlah kho lo dingin phihpiak. Youtube nih hremnak dang fakdeuh a chim mi cu kum 2 chung Youtube Channel kharpiak le kumkhua hrang ah Youtube Channel khar piak lawlaw a si. Tu i dirhmun Trump an hrem dan cu thawngpang le video thar thlah an sian lomi a si i a video thing le live thlahmi thing pawl cu an um rih.

Cupawl zong cu zohfel nak an nei cuahmah lio i video cheukhat cu an hlonhpiak cuahmah cang. Culawng siloin Youtube nih cun Trump Channel i comment pawl zong a cekfel dih i i dawh lo ngai i anmah nautat nak holhphun a hmang mi pawl cu Youtube in hlonpiak an si nak ding kong a chuah chih.

Hiti hin ,Social company puitling Twitter , Facebook le Youtube pawl nih cun US president tuan cuahmah mi Donald Trump cu an social ah duhpoh in cawlcangh an siang loh i, mipi buaitertu ,buainak chuaktertu tiah sual an puh.

Twitter nih cun zungzal caah President Donald Trump a hrem i Facebook nih cun zarh 2 hrang Trump a hrem. Youtube nih cun zeitik tiang dah timi umloin, Trump cu a channel ah video thar le thawngpang thar thlah kho lo dingin an phih piak ve. ( Washington Post ,Youtube )

Credit: Vapual Auaw

Be First to Comment

Leave a Reply

Your email address will not be published. Required fields are marked *