Wah hriamtlai phu nih thla 2 leng an kharmi Khrihfa biakinn an on tthan cang lai

“WAH” ralkap UWSA hna i nawl chuahnak in thla hnih leng an khar mi Kachin Lahu Khrihfa biakinn hna cu tu thla chungah on than dingin nawl an pek cang hna tiah Radio Free Asia nih a tial.

Biakinn an khar mi pawl chungin hmun zeizatdah on khawh thannak le hman khawh thannak nawl an pek hna lai ti hi chim khawh asi rih lo tiah RFA Media U Ngi Yan nih a chim.

“WAH” ram ah Lahu tlang cungmi hna he pehtlaihnak a ngeimi Lahu party ukkathah Daw Aye Thida Myint nih atu thla chungah “WAH” mah te uknak nawl a ngeimi ram i Shecian khua le Natoe khua i biakinn cu on piak an si lai i an Pathian nuam tein an thangthat khawh cang lai tiah a chim.

“WAH” ram chung ahhin Lahu tlang cungmi hna biak inn 50 leng a um i cu biakinn 50 leng cu UWSA pawl nih zeihmanh dik le felnak um loin an kan khar piak dih tiah Lahu khrihfa upa Dr. Zakhariah nih a chim.

Tlamtling tein on kho hna sehlaw Pathian thangthat kho ve cang hna seh!

Mizoworldnews

Be the first to comment

Leave a Reply

Your email address will not be published.


*