Press "Enter" to skip to content

Vawlei Cung News Ah A Lar Taktak : Trump Le Anupi Melania Trump Ani Duhnak A Roling Ko

Vawleicung News a larbik mi,Vanity fair le a dangdang lengah media hna nih Trump cu an huattuk ruangah hau hmanh nih an duh lai lo i, an daw fawn lai lo tiah an chim zungzal mi cu a si. Cu bantuk cun a nupi Melania Trump zong cu, a nuam lailo i, thongtla bantuk in a um ko lai tiah an ruah tawn mi cu a si ve.

A si nain Australia Prime minister nih cun, nithum cam in,US a va tlawm lio ah khan White House chung i dinner an tuah nakah cun, Trump le anupi cu,zohchuntlak le chungkhar nuamtuk mi an si tiah a rak chim ve. cu lawng hlah Australia Officer pakhat hawi hna nih cun, Nupi pasal an rak ti tawn mi hna cu, Trump le a nupi hi an si tiah a chim ve ti si. ani dawt ning le ani zah thiam mi te hna le chungkhar an zoh khenh ning te hna a va hmuh tikah, an nihtluk in,a nuam mi ka hmu bal hna lo tiah a chim len ti si.

Mikhual an ngeih tik pohpoh ah hin, White House chung i,a herh bau mi pohpoh leh,Trump a hlawh tlinnak ding asi lai tiah a rauh mi pohpoh cu, amah nih hin, a tuah dih ti si. Hi bantukin a tuah ruangah hin, Trump zong a lawmtuk ve i,a bia chimnakah hin a faktuk tawn tiah an chim. Mipawimawh mi ,mikhual hna an ngeih hawi hna ah cun, an sin um mi hna kut ah hin,zeipoh hi a chia duh lo i, amah nih a tuah dih zungzal tiah an chim.

Vawikhat cu dinner an tuah i, an ei dih suimilam 11 :00pm hnu ah cun, mikhual hna cu an thah dih hna i, an kir leiah cun, mikhual pakhat pa nih cun, a hawilet i a va zohtik hna ah cun, Trump te nupa hna cu, ani kuah i, Trump nih cun, a hna pong teah cun, biathil zeimaw tete a va chimh i, Melania nih cun,ni cungcung in a rak zoh i, nuam tein an um lio hna cu, a va hmuh hna ti si.

Melania Trump pong i a tthu ve mi Auatralia Gulfer nih cun, Instagram hmang in “events i ka rak telnak vialte lakah a ttha bik mi le a ropuibik” mi a siko tiin a chim ve. Trump President a rak tlin i, media hna le News hna vialte nih an rak chimbantuk cu a si nemmam lo ti cu, a cunglei kan ttial cia mi nih khin a lanhter dik ko.

Melania Trump nih a duh tawkin White House chung a ttamh ning le suizawng bantukin a ttamh mi hna cu ,mi nih hin an uartuk caah, an umnak inn hna an ttamh ve tikah,Melania Trump nih White house a ttamh bantukin, tite hnain tah chunnakah an hman dih cang ti si. Christsmas White House decoration zong first Lady kut ah hin a um dih cang tinak a si. Hi ti cung hin, Left/Liberal Magazin hna nih cun, a tu tiangah hin, a thil tuah mi pohpoh an sawisel zungzal rih ko.

Texas Author Jennyfer Pickens nih cun, First lady a dawhnak cu a faktuk ve i, zeithil pohpoh hi, cipcer deuh in a zoh dih i, a fabik mi tiangin azoh khenh dih tiah a chim ve. State dinner an ngeih lai pohpoh ah hin,thlakhat hlan in arak timhtuah dih cang ti si. A pasal a zulhnakah hin felfai tein le dawhtuk in a ttamh i a zulh tawn ti i.Hi bantukin a dawh mi le a felfai mi cu, Magazine lar hna le media hna nih cun, zeiah an relpiak lo i, sawiselnak longlong te an kawl zungzal ko .

Sihmanhsehalw,Obama nupi nih White House chung a ttamnak ttial rengrung mi hna cu an fak piaktukfawn hawi. A si nain a duh bik mi a pasal nih hin, anupi nih dawh tein a ttamh mi hna le felfai tein a tuah mi hna hi a pasal nih cun a duhtuk i,a uanpi tuk ve tawn ti si.

Be First to Comment

Leave a Reply

Your email address will not be published. Required fields are marked *