Press "Enter" to skip to content

USA Ah A Fale 3, A Nupi Le An Uico Meithal In A Kah Hnu Hna Ah A Mah Le A Mah Ai That

US, Ohio ah a um mi patling Pakhat cu a fale 3, a Nupi le an uico meithal in a kah hna hnu ah a mah le a mah zong ai that ve.

John Nelson ( Kum 44 ) mi cu July 29 ah a riantuan nak company ah a phan ti lo i, palik an theih ter hna i palik nih an inn ah an va zoh cu, A Nupi Robin ( kum 35 ) a fale pa 3 Gavin (kum 12) Brianna ( kum 10) le Liam ( kum 6) pawl cu an ruak in an hmuh hna. an pawng te ah an uico zong a thi cia in a rak um.

In nei tu pabik zong a mah te rak i that in a ruak cu an va hmuh chih ve. Elyria palik pawl nih an dothlat hnu ah lainawng case in le mah le mah ai that mi case an Siam piak colh.

Cu Kong a hlethlai tu pawl nih John Nelson nih an chungkhar a thah hnu hna ah a mah le a mah ai that ve tiin thawngpang an thanh. Asinan Zeitin dah an theih khawh timi cu an chim rih loh.

An chungkhat pawl nih cun, cuthil a tlung mi cu an zum kho hrimhrim loh. Chungkhar puitling ngai an si i, John Nelson zong hi chungkhar a daw tuk mi a si e tiah an chim.

2007 kum lio ah khan a chungkhar hi ai bochan hna ning le, a nunnak an si zia a face book page ah a rak post. An inpa pawl nih thla 1/2 Liam cang mi ah khan an chungkhar hi bia an i el pah lengmang tiah an chim.

July 28 zanlei Nazi 5:00 hrawng ah khan, halpuah thawng bantuk an innpa nih an theih nain, thil tha lo cu a si an zumh lo caah palik sin ah report nak an rak tuah loh.

An inpa nu Linda Bristow nih tlik pah in au thawng le ttah thawng Ka rak theih lengmang mi kha hithil hi a rak si ko lai hiteh tiah a chim. An fale le a thi mi zong an Siang inn Kai nak Elyria City Schools zong nih hngakchia fel an si nak Kong an chim i tuarpi nak an langh ter ve.

Be First to Comment

Leave a Reply

Your email address will not be published. Required fields are marked *