Press "Enter" to skip to content

R.I.P : US Ram Ah Chinnu Pakhat A Tlau, Chungkhar Lungretheituk An Um, Thlacamnak In Bawmh Hna Usih

US ram khuasa mi kum 16 minung Chin nu Su Hliang cu kan hnu cacawn nihnih ni kha a donghnak a chungle nih an hmuh asi, tuhi inn a thlam ti lo caah chungkhar lungretheih vansang ngai in an um ko khoka dah a um i zeidah a cang timi a ruah awk an hngal lo.

Tu thla chung hrawng cu Su Hliang hi bia zong tam a chim lo,a dai ngaingai , a lungrawk mi a lo ko tiah a pate Jin Lett nih a chim, Su Hliang chungkhar hi mirang holh thate in a thiam lo mi an si caah police sin zong ah thate in thawng an thanh khawh lo caah holhlet tu nih a bawmh hna.

Su Hliang hi mi dai asi, a holh a tam lo, hawikom zong tam a ngei lo, lung zawtnak ( depression) a ngei kho mi asi tiah a chungkhar pawl nih an chim. Kan hnu cacawn nihnih ni kha North Classen ah sianginn thate in a kai ko, mah hnu in inn a thlam ti lo tiah hringtu nih a chim.

Catial mi te a chiah ta mi ka hmuh hnu lawnglawng ah ka fanu hi zeitluk in dah a rak tuar timi ka hung i fiang tiah a chimchap, lungrawhnak ( depression ) angei i hi vawlei ah nun ka zuam ti lo, chungtling te in van ram tu ah kan i tong te hna lai tiah ca a tial tami an hmuh tiah theih asi. Su Hliang a hmu mi nih 911 ah thawngthanhnak rak tuah hram uh tiah mipi sin ah thawngthanhnak an tuah. Credit:jmnews.info

Thawngpang dang relchap >>>>>>

Uar Um Tuk E : Many Pacquiao Nih Umnak A Ngei Lo Mi, Sifak Mi Pawl Inn (1000)A Sak Piak Hna

Boxer ropuituk mi Many Pacquiao nih cun, bawipa sunparnak caah tiin umnak a ngei lo mi sifak hna caah inn (1000) a sak piak hna . amah hi kan theih cia bang in,Boxer min thang tuk mi a si lengah an ram MP zong asi ve tikah, mi sifak zawn a ruat tuk mi a si i, boxing thonghnakin a hmuh mi hna tangka zong kha mi sifak le ,mission rian ttuannak ah tamtuk a hlut tiin an chim mi cu a si.

Amah hi mi sifak chunginkhar in,a rak tthan mi a sitikah , a sifak lio caan kha a philh bal lo i, sianginn tiang hmanh kha ttha tein a kaikho lo i, nifatin in a hlawhfa mi a rak si ve. Anu nih hin zeitluk kan sifah zongah pathian cu philh lo dingin a rak cawnpiak lengmang mi kha a rak si ve .

Kum 2015 lio ah khan, Mayweather he an rak i thongh bal cang i, kha lio ah khan US$.10 Million a rak hmuh ve . ti cun kum 2016 ah cun poltics lei i a dirnak hmun ah cun,mi sifak umnak a ngei lo mi hna caah cun, inn (1000) a rak sak piak hna ti si. amah nih a chim ningah cun, ka dir hmun hi ka theih ve tuk i, hi bantukin a tuah khotu dir hmun ah ka rak um hi,ka lawmtuk hringhran ko tiin a chim ti si.

Hi thil hi keimah tuah khawh mi a silo i, cung lei pathian khua khannak a si a ti i, hi iin hi free in umnak dingah a sak piak mi hna a si. hi bantuk minung hi sidih hna sehlaw cun, vawlei cung minung nih hin harnak ka tawn mi hi a nep deuh ko lai.mirum nih rum chin an duh ti mi he cun,a lo hrimhrim lo. bawipa nih lamhruai ko seh. chininternationalnews

Be First to Comment

Leave a Reply

Your email address will not be published. Required fields are marked *