US police nih Khuang Hliang Par a darling Van Bawi Lian a zamnak hmun an thei cang

Chungkhar nih an ruah bantuk tein US police zong nih Khuang Hliang Par a thattu cu a darlingpa Peter Van Bawi Lian a si ko tiah an zumh ve, biatak tein an kawl ve cang.

Peter le Khuang Hliang Par hi an i duh i Indianapolis in Peter a umnak Colorado Spring ah an zam, nain Peter chungkhar nih Khuang Par a chungkhar len an timh hna lo caah Peter le Khuang Par kar i theihthiam lonak a um.

Khuang Par nih ka chungkhar nan len khawh hna lo ahcun na sin ka um kho lai lo a ti caah Peter a lungfak i a velh, thah a timh nain a luat. Cu hnu ah Khuang Par cu Indianapolis ah a rak zam, Peter cu police nih caan tlawmpal chung an tlaih.

Indianapolis ah Peter cu a rak kai ve, Christmas lai ah khan Khuang Par cu a thah i Thailand ah a zuang tiah police nih an ruah. Tutiang ah cun an tlai kho rih lo. Peter hi US ralkap a tuanmi a si.

Be the first to comment

Leave a Reply

Your email address will not be published.


*