US le Russia an phan khawh lonak Thlapa hnulei China an tum kho cang

Russia le US nih Thlapa cung an kainak kum tampi a rau cang, nain Vawlei leikap Thlapa lawng an phan kho, China cu Thlapa a hnulei kap ah an tum kho cang.

Thlapa a hnulei kap ah a tum khomi ram cu China lawnglawng a si rih. An tumtermi hi minung ai tel lomi robot vanlawng a si, hi robot nih Thlapa a hnulei kap in kherhhlainak a tuah dih lai.


China robot vanlawng Thlapa cung a tum le cangka in Vawlei ah Thlapa hmanthlak a rak kuat colh, China cozah media nih uangthlar ngai in zapi sin an thanh.


Midang nih an phak khawh rih lonak hmun ah China robot vanlawng a tum khawh hi Thlapa kong kherhhlainak ah hlawhtlinnak nganpi a si tiah an ruah cio.


US le Russia Thlapa cung kai an i timhnak le an kainak hi kum tam taktak a rau cang ko nain China cu 2003 lawng in ai thawk, atu cu vancungvawlei(space) kong kherhhlainak ah hruaitu si ai zuam ve cang

Be the first to comment

Leave a Reply

Your email address will not be published.


*