US Laimi caah thawngtha: Cozah an khar ko nain tax return ngah dih a si lai

US cozah an khar ruang ah kum fatin tuah tawnmi tax return tuah khawh a si men lai lo timi thawngpang a leng, nain tax nawlngeitu IRS nih ahopoah tax return ngah dih a si lai tiah an chim cang.

President Trump cozah nih Mexico ramri vampang man an ngah hlan chung US cozah hon than an i tim rih lo nain cozah khar ruang ah mi tam tuk harnak an ton ding a si khawh chung in hrial an i timh tiah Office of Management and Budget Russell nih a chim.

Zeitikdah tax return tuah khawh a si lai timi cu a fiang rih lo, tukum January dongh lei ah a si lo ahcun February thawkka hrawng ah tuah khawh a si lai.

US cozah an kharmi cu tuan ah hon than dawh an si lo, Trump nih vampang phaisa a hal nain Democrat nih an pe duh lo, Trump nawl loin cozah hon khawh a si ve than hoi lo.

Ref : Salai LTT

Be the first to comment

Leave a Reply

Your email address will not be published.


*