US cozah khar ni 14nak: Trump nih Democrat loin vampang sak khawhnak lam a phuan

Cozah budget an fehter khawh lo caah US cozah cu December 22 in an khar i tuni tiang an hon than kho rih lo, Trump le Democrat kar ah hnatlaknak an ser khawh rih lo caah a si.

Trump hnatlaknak tel loin Democrat nih cozah budget an fehter kho lo. Trump nih cun budget ah Mexico ramri vampang saknak phaisa ai tel hrimhrim a herh, vampang budget loin budget min ka thu lai lo tiah a chim.

Tuni kha Democrat hruaitu hna he an i tong i hnatlaknak an ser khawh lo caah Trump nih vampang sak khawhnak ding lamdang a phuan.

Democrat he hnatlaknak kan ser khawh lo ahcun US ram chung ‘national emergency(azipaw)’ ka thanh lai i Congress hnatlakpi hau loin president nawlngeihnak in Mexico ramri vampang ka sak lai tiah a chim.

Tutan US cozah kan khar hi a herh bakmi a si, khar kan duh ruang ah a si lo, kan i tinhmi kan tlinh khawhnak caah kan khar chungmi a si tiah a chim chih.

US cozah khar chung ah US ram chung cozah riantuantu 800,000(25%) bak hlawh an ngah ti lo, zung an kai ti lo, ramchung cozah pangpar dum(park) vialte cu riantuantu an um ti lo caah an khar dih ve.

Ref : Salai LTT

Be the first to comment

Leave a Reply

Your email address will not be published.


*