Press "Enter" to skip to content

UDP Party Pawl Cu Chin Party CNLD Vote Ding In Biakam Nak An Tuah Cang 

UDP party nih Chin party CNLD vote pe ding mipi pawl cu tuni October 31 ah Chin party CNLD hrang cawlcangh nak a nei colh i Chin party CNLD zongnih lunglawm tein an rak don hna pin ah party angki zong an rak pek hna.

UDP party cu tu kum rampi thimnak ah NLD tluk in palai nei tambik tiah relmi an sinan, an party president cu thawngtla zammi tiin tleih a si i a hnuah ramdang in bomnak tangka ai zampi mi tiah an theih tthan tik ah an tleih tthan. Party president cem thawngthlak a si rualin a party UDP zong cozah nih a hlonh piak i tutan thimnak ah an i zuam kho tilo.

Cuti cun UDP party hruaitu le mipi pawl cu party dang tha pek dingin bia an khiah i USDP party vote ding an tambik tiah theih a si. Chinram le Kalaymyo ahcun UDP party pawl cu Chin party CNLD vote pe dingin bia an khiah. Kalaymyo i UDP pawl zong an party hlonh a si hnuah Chin party CNLD thape dingin an i pum pe i tuni ahcun mawtaw tampi in a takin lamlak vahnak an nei.

Sagaing ramthen UDP president U Hung Thang nih“Kan party hlonh a si hnuah kan mipi pawl nih khawi ka dah vote kan thlak tiah biahal nak kan neih hnuah kei zong Chin miphun ka si bangin Chin party tha a pemi ka si i UDP party mipi pawl cu CNLD vote thlu dingin kan chimh hna. kan party chungin minung 48000 cu Chin miphun kan si. Mah le ramkulh ah mahte nawlneih nak nei kho dingin CNLD tha ka peknak a si,” a ti.

Sagaing ramthen chung i UDP party lakin kawl pawl cu USDP vote an pek lai i Chinmi le kalaymyo peng chung i ummi UDP mipi pawl nihcun CNLD an vote laj tiah theih a si. ( CW )

Be First to Comment

Leave a Reply

Your email address will not be published. Required fields are marked *