Press "Enter" to skip to content

Uar A Um Tuk E : Dr.Sasa Bantuk In Pathian Tihmi Chin Miphun Ramkhel Ah Kan Herh

Hibantuk Pathian atihmi, mifim, cathiam kan neihmi hi cu Chinmi/Laimi kan vantha tak tak khi a si. Dr. Sasa hi zeiruangah ah dah vawlei ah i bual in a thut ko ti ah cun Pathian sinah sual ngaihthiamnak, Pathian sinah sual ngaihchihnak program an tuah lio a si. Aliamcia caan ah Pathian lung kan fahterak, Pathian duhlo ningin kan rak umnak thil tampi a rak ummi ruang ah Pathian sinah sual ngaihthiamnak le sual ngaihchihnak thlacamnak cu a chuahkehnak Lailenpi ah program sunglawi tak takin a hman pi hna. Mipi hna cu amah bak nih a hruai hna. Mipi hmaisa Dr.Sasa cu vawlei ah aa bual i lungkuai le mitthli he thla a cam.

Dr. Sasa hi upat tlak a va si hringhran dah. Lailenpi khuami nih an tuahmi thil hi a sawh sawh a si hrim hrim lo. Dr.Sasa nih Lailenpi khuami hna thil tuahmi cu hitihin a chim. Jesuh Khrih cu zeidang vialte nakin a biapi bik ti hi kan ifian tuk caah Lailenpi khuami dihlak nih Jesuh cu kan nunnak dihlak in kan thangthat. Cu caah khuami vialte nih cun Meng thum chung bak kan ke in kan kal i kan au a ti. Lailenpi khuami hna nih an au ning cu,Jesuh Khrih cu kan ramah Bawibik si zungzal ko seh.

Jesuh Khrih cu kan cungah khuakhang laireltu si zungzal ko seh.Cungnungbik ah khin Pathian min cu sunglawi chin ko seh.Kan chungkhar ah Jesuh cu Bawibik si ko seh.Jesuh Khrih cu kanmah a kan khamhtu le kan Bawibik a si.Jesuh Khrih cu kan sualnak vialte chungin akan khamhtu, kan cungah nawlngeitu, khuakhangtu, athawngmi pathian, Zungzal daihnak Bawi a si.Jesuh Khrih cu kan himnak le kan thawnnak kan lungpi a si.Jesuh Khrih cu kan khua kan ram, bochannak, hnangamnak le kan iruahchannak a si.Jesuh cu kan khua, kan ram, kan chungkhar kip cungah a thluachuahnak cu tlung sehlaw, Jesuh Khrih cu a kan uk tu si hram seh tiah Lailenpi khuami dihlak nih khuachung ah lam zawh in pathian cu sunparnak an pek.

Dr.Sasa hi zeitlukin dah Pathian aa bochan timi hi chimrel len hau lo in a tuahmi thil nih hin fiang tein a langhter. Hi hnu kum 10 ah cun Mara ram le Lailenpi khua cu Chinram chungah athangcho bik, taksa thlarau in mi vialte nih damnak an hmuhnak hmun ah a cang te lai ti hi ruah khawh a si. Zeicatiah an mah tlangtlatu pei Pathian aa bochan tuk cu. Dr.Sasa thawngin Chinram hi tampi a thangcho lai. Atu zong hi Hakha khualipi ah vanlawng tual ser dingin a ti cang.

Cu cu khuami hna nih nawlngeitu sinah permission an lak khawh bakah cun amah nih zeizong vialte a tawlrel dih lai. Tidim zong nih valawng tual sernak dingah Dr.Sasa cu bawmh an hal ve cang. Tidim hna chin chin cu tharchuah ding lawng a si. Atu hi Chinram sersiam hram aa thawk ka lawng a si rih. Aa tinh ning le VISION a hmuh ningin rian a tuan khawh ah cun Chinram cu Kawlram chungah alam kip in thangcho bik le a si cang lai. Dr. Sasa hi Pathian sinah thlacamnak in bawm cio hna usih. Credit: Dr.Sasa & dailychinstar media

Be First to Comment

Leave a Reply

Your email address will not be published. Required fields are marked *