Press "Enter" to skip to content

Tu Tan Myanmar Idol Ah Benjamin Le Esther Ah Hin Benben Cu Pa Hnihnak Rim A Nam Cang Ko Hih

Atutan Myanmar Idol Season 4,hlasak zuamnak ah Benjamin Sum le Esther Dawt Chin Sung an i t’eih mi hi cu ruah ah a poi ti pin cun chim awk a har ngaingai.zeicatiah WINNER a co kho ding veve bak an si.kan theih bantuk in WINNER cu minung pakhat lawng nih a tinco ding a si caah mipi thinlung an buaiter ngaingai.mah le Idol ti phun in voter vun pek awk zongah a ho deuh hi dah kan pek lai tiah i lak lawh ngai in mi tampi an um.

Benjamin Sum le Esther Dawt Chin Sung cu Chuahpi Unau bantuk in an i daw na in an fans pawl tu hi ningcang lo in biachim mi tampi kan um tawn.hi ruangah Yaw Kee nih Season 4,hlasak zuamnak ah a tel mi an fans pawl hna dihlak sin ah biachah a chim mi cu,”kan mah kan id awt bantuk in kan fans pawl hna zong nan dih lak in rak i daw ve uh”tiah a chim.

Atu tiang an dirhmun ah cun Benjamin Sum le Esther Dawt Chin Sung hna ah hin pakhat paoh nih WINNER an co te lai tiah ruah cio an si.asinain an aw-zai lei zoh ah cun an thiam bak veve.a soisel awk um lo bak khi an si veve fawn.a mah belte Season 4, hlasak zuamnak ah WINNER a cotu ding nih cun a aw t’hat lawng si lo in Voter a biapi taktak tik ah a tu ning tein Ben Ben fans pawl hna an cawlcangh khawh pengah cun Voting in Ben Ben nih a tei khawh mi a si.zeicatiah Sung Sung cu a fans pawl hna le pumpak in voting a cawk piaktu an um rih lo caah a si bik.

Biapeh!Benjamin/ Yawkee / Esther Top 7 Myanmar Idol vote thlak lio asi. Hakha ahcun Esther Dawt Chin Sung te dawr hmai ah mah ti hin Benjamin / Yawkee le Esther hmanthlak an chiah i, Mytel volunteer he vote pek nak an tuah ve. Mytel company he ibawm in, Hakha khuapi ah Benjamin, Yawkee le Esther cu hmunkhat ah mizapi nih vote pek kho ding in saduhthah nak he hmanthlak an post. Laimi kanfale hi kan mit fang bantuk an si caah thleidan nak umlo in kan ttanh hna timi kan langhter mi asi. Cucaah Esther te dawr hmai ah an cawngia mi asi. Esther nu le pa duhsaknak, lungtlin nak in an tuahmi asi.Mindat , Falam le Kalaymyo zong ah, minung pakhat hmanthlak lawng cawngia tuah si loin, an pa 3 hmanthlak he cawngia kho ve hna sehlaw atha ngai hnga tiah ka ruah.

Thawngpang dang relchap >>>>>>

Kawlram Minthang Actor Phyo Ya Za Niang Nih Esther A Uartuk Nak Kong A Chim (+Video)

Atu lio kawlram minthang Phyu Raza nih cun Myanmar Idol Season 4,hlasak zuamnak ah a tel cuahmah mi Top 6 tiang in a kai cang mi Esther Dawt Chin Sung kongah tuchun ah mah tin a chim,”kei cu a ka hringtu ka pa hi a cozah rian t’uantu a si ve caah hmun kip ah kan um i Halkha zongah saupi kan rak um cang i Laitlang a t’hang lian mi ka si caah Laiholh zong ka thiam peng ko rih.Cun Esther zong hi Suhkahyeete hlasak zuamnak ah a rak itel ve i ka rak theihtuk mi a si”tiah a chim.

Cun,Esther he hin Suhkahyeete hlasak zuamnak a rak i zuam t’i mi ka hawi zong a si.a tutan Myanmar Idol Season 4,hlasak zuamnak ah a vun itel tik ah a hman thlak ka zoh tik ah a rak t’hang ve cang i,Suhkahyeete hlasak kan rak izuamnak hmanthlak ka zoh hnu in ka hawi a si kha ka theih khawh.Esther nih Myanmar Idol a zuam hi a min cu ka theih ko na in kan hngakchiat lio ka hawi Esther kha a si lai tiah ka ruat lo.

Asinain a sining ka dothlat tik ah kan hngakchiat lio ka hawi Esther a si kha ka vun theih tik ah Mipi sin zongah ka hawi a si kha theihternak/ka chimh hna i,Esther cu mipi zong nih thazaang an pek cang.cun kan nih Unau rual hna cu Laitlang ah a t’hang lian mi kan si i,kei hna cu tanghra ka awn tiang Lai tlangah Sianginn ka kai.kan Unau rual in Laiholh zong kan thiam dih.

Cun,Laimi hna hi cu an hngakchiat lio tein Sunday School a kai mi an si tik ah hlalei zongin an t’hangcho a hranpa tein cawn an herh tuk ti lo.asinain kan nih Kawl miphun hna cu Laimi bantuk in Sunday School a kai mi kan si lo tik ah hlasak lei hi a hram thok tein cawn kan herh!kei zong ka hngakchiat lio Latlang kan um lio ah cun Sunday School ka kai ve i a nuam taktak.curuangah a tu tiangin Laimi phun hna hi ka dawt khun hna,Laimi cu a toi dor mi le mi a upat thiam mi a si.cun,thil pakhat khat kan tlau sual zongah kan sin a rak phan t’han miphun dang bantuk in thil an la in an fir bal lo.a video rak ngai ve hmanh.

Video

Be First to Comment

Leave a Reply

Your email address will not be published. Required fields are marked *