Tih Nung Taktak Mi Nupi : A Pasal Tilmu Bak Cu A Pahnih In

Romania ram ah Marinela Benea(kum 40) nih a pasal Ionel Popa(kum 49) cu a tilmu 2 ning in leng ah chuak lakin a dawh piak cu a si. A tu bantuk in thil dawhcah lo le thil ttihnung a cangnak a ruang cu Woman’s Day ah a pasal nih zei laksawng hmanh a cawk piak lo caah a si tiah theih a si. Hringtu nu upat peknak ni ah a pasal nih zei laksawng hmanh a pek lo hlei ah inn rian te hna zong a bawm duh lo caah a thin hang tuk in a pasal cu hi bantuk tiang tiang in a tuah cu a si.

Marinela Benea le a pasal Ionel Popa hi Romania ram, Dragomiresti timi khua kha a ummi an si i a tu hi a pasal cu hliamhma fak a tuar caah sizung ah a um lio a si. A pasal cung ah a tuahmi thil ttihnung kong ah Marinela Benea cu ai chir ngaingai i a pasal cu hi tiang tiang in tuah duhnak thinlung a ngei loh timi cu a hnu ah a chim. A thin hang lung in a tuah sualmi a sinak kong cu a chim tthan.

A pasal cu sizung ah tilmu um lo buin a rak ra i sibawi pawl nih a rannak in emergency room ah an luhpi colh. “Laksawng pakhat khat pek ding aiawh ah wine thawl pakhat a ka pek. Cun zu ri tak tak buin a rak lawi fawn. Zan tin tein zei rel lo nawn tein a ka um hnawh peng i nupi ruat in a ka ruat loh. Ka intuar chih peng nain kai sum kho ti loh. Woman’s Day zing ah inn rian bawmh ding in ka chimh i ihkhun cung a ih salam buin rian na fial dingmi minung ka si loh tiah bo taktak in a ka leh caah a til cu ka tleih piak.

A mah nih ai chang tuk nakah a tu bantuk tiang in a sinak a si. I chang tuk hlah seh law a tilmu zong hi leng ah an chuak lai loh. Ai chang tuk caah a si a til a cat hi a si.” tiah Marinela Benea nih a chim. A tu cu a pasal cu a dam lei a si cang i a tilmu cu an rawn piak khawh tthan rawn piak khawh tthan lo cu thawng an thanh ti loh. Cun a pasal fahnak a pe tu Marinela Benea cu dantat a si lai le si lai lo zong theih a ri rih loh.
Ref: Metro

Be the first to comment

Leave a Reply

Your email address will not be published.


*