Press "Enter" to skip to content

Thaizing Kip Tuh Zuam Tik Cu BENJAMIN SUM Hi Bottom Ah An Thutter Cang Ko La A Ruang?

Myanmar Idol zuamnak ah, Mipi nih Vote tambik a hmu tiah ruah mi Esther Dawt Chin Sung le Aye Mya Phyu le Tan Khun Kyaw pawl cu Country Week ah Bottom 3 ah an thutter hna i Tan Khun Kyaw cu an dinhter.. hihi mipi nih kan thieh mi nge an si ko.

Soe Lwin Lwin Week ah cun kawl awpeng hla a si i an mah kawl bak nih cun an sak thiam tuk mi a si. Chinmi pathum nih kawl awpeng hla sak ding si tik ah, thin phanpi ding a um ngaingai ko kan rak ti mi kha a si ko nain, Soe Lwin Lwin hla timi cu Iron Cross pawl nih an sak lem ballo mi a si. Asinain Myanmar Zahan zaan an van sak taktak tik ah cun an dih lak in an thiam dih.

Asinain Myanmar Idol pawl kan zoh tik hna ah Bottom ah tthut dih ding in timh lamh mi si dawh in a lang. Aye Mya Phu le Esther Dawt Chin Sung an pahnih Bottom ah an thutter hna ruangah an thinlung um tu ning ai dang vek cang. Myanmar Idol i hlasa pawl aizuam mi pohpoh cu Bottom ah thutter dih an timh hna in a lang ko.

Cuti a siah cun Benjamin Sum pakhat lawng Bottom i tuarnak le phannak a tong rih lo mi a si. Zahan zaan i Benjamin Sum a hlasak cu a thiam ngai in a lang ko nain, tu tan cu Bottom ah an tthutter men cang lai. Na belte in Benjamin Sum hi tuzaan ah Bottom ah tthu hmanh seh law “SAVE” cu a ngah thiam thiam ko lai.

Thawngpang dang relchap >>>>>

American A Dawttuk Caah Thanksgiving Tiang In A Chungkhar Hna He A Hmang Hmanh Lo Mi, Donald Trump Cu

Mah le chungkhar nakin Ram le mipi caah i, a caan a hmang mi,Donald Trump cu,zeihmanh thongthanhnak um lo in, Afghanistan i American ralkap hna pong ah Thanksgiving a hmanpi hna i, rawl an ei tti hnu cun, Trump cu Afghanistan in US leiah a kir tthan i, Mar-a- Lago leiah anupi le afa nau te hna cu, mi nih Thanksgiving rawl an eidih hnu ah cun, thanksgiving rawl a eipi hna ti ah theih a si.

Thanksgiving anti mi hi, laimi nih Christmas kan timi bantuk hi a si ko. Christsmas i mah longin hman kan duh lo i, chungkhar kim tein, hman kan duh mi phun hi a siko. American leizong nih Thanksgiving lio ah cun, an chungkhar (Family)in rawl an ei tti i, kakip ah an kal tti tawn hna ti si. American mipi hna nih hin, Thanksgiving hi, bia tak tein an ruah i, sunglawituk in an hmang tawn.

Sihmanhsehlaw, Donald Trump nih cun, Ram le miphun caah tiin anupi le a fanau hna zong ruah lo in, Afghanistan ram i US ralkap hna sinah a hman ve . Hi thanksgiving a hmannak ah hin, Trump nih cun, US ralkap hna ,mi huaisen hna sinah hin Thanksgiving hman hi ka duh bik i a si tiah ralkap pawl hna hmaiah cun, a chim ti si.

Afghanistan in thanksgiving a hman dih hnu hah cun, US leiah a kir tthan i, sihmanhsehlaw, Thanksgiving cu a tanh tilo nain, tlaikhua hnu pi ah cun, anupi le afanau hna cu, a hmanpi hna tisi . hi konglam hi US mipi tamtuk nih an theih tikah cun, an faktuk i, cheukhat hna nih cun, zeiah an relpiaktuk lo ti si . President Trump tluk in,American ram ca i, rian a ttuan mi hi , US President hna lakah hin hmuh ding an tam lo ngaingai i, a thiamnak le a sikhawh chung in rian a ttuan mi a si tiin mipi nih cun, an faktuk ko tiah an chim.

Be First to Comment

Leave a Reply

Your email address will not be published. Required fields are marked *