Taungzalat Chin Center in COVID-19 mizaw 8 an dam cang

Taungzalat Chin Center in COVID-19 mizaw 8 an dam cang
=============================
September 12| Yangon hrambunh Taungzalat Chin Center ah COVID-19 zawtnak in aa thlop mi hna cu an dam cang caah Center in an tum cang tiah kan theih. “Hi mizaw hna hi Tedim kan unau an si. An rak phak lio ahcun an zualhma ngai nain Pathian, dawtu siibawi le volunteers hna thawng in damnak an hmu cang. Kan i lawm tuk hringhran,” tiah CCRT President NC Thawng Tha Thang nih a chim. Credit : The Hakha Times

thawngpang dang relchap : Chinram palik hna cu an lau tuk cang, CDF-Tonzang ah Palek pahnih CDM an lut than cang

Chinram, Tonzang peng, Tonzang khua ah SAC Acozah rian a tuan mi palek pa 2, Pu. Kham Shan Khaing No. Lah/274563 a tlaih mi le Pu. Kap Suan Muang No. Lah/282298 a tlaih mi hna cu Ralhrangbu kut tang ah Ram caah rian an tuan duh ti lo ca’h mipi he an i fonh cang tiah theih a si.

Mah Palek Pa 2 hna cu September thla ni 7, ah an i fonh tiah theih a si. Cu caah An pa 2 ning in Ralkap uknak a rawh tiang in CDF-Tonzang phu he fonh tiin ralhrangbu cu kan doh hna lai tiah mipi sin ah thawng an thanh hna tiah Chinland defense force- Tonzang (CDF-Tonzang) nih cathanh nak ca a chuah. Crd. CDF-Tonzang

Mandalay duhlonak langhter tu mipi hna cu ralhrang nih mawtaw in an pah hna pakhat a thi, minung 2 an tleih hna tiah theih a si. Mandalay, Chan Aye Thar San peng ah September 11 zing lei duhlonak a langhter tu mipi hna cu ralhrang phu hna nih mawtaw in an pah hna an then hna tiah kan theih.

Minung 2 cu an tleih hna i pakhat a thi tiah thawng kan theih. Duhlonak langhgrr nak hmun ah Daikal pakhat cu mawtaw in an dawi i an pah caah minung pakhat a thi. Ralhrang nih hin an tleihna an kah hna ko na te in Mandalay cu nifatin in duhlo nak an langhter peng ko rih. Crd; The Chin Post

Leave a Reply

Your email address will not be published. Required fields are marked *