Press "Enter" to skip to content

Tapikcin Khua Ah Bomb A Puak I Pafa Hna Nunnak A Liam

Mandalay ramthen Pyin Oo Lwin peng Tapikcin peng meng 7 7 miles khua i ralkap sianginn pawng Shwedwindgyi lo lak ah bomb a puak i, pafa hna an thi tiah khua mi hruaitu pakhat nih a chim.

Nizan tih ti ssmtember ni 12 zanlei nazi 1:30 hrawng i a cang mi thil a si. Ruatuai a kawl mi pafa hna nih cun bomb a thing mi pakhat an char i, cuti an char khawh cun, lo lak thlam chung ah an i din i an kut cung bomb a um lio ah a puak i, an pafa te cun a hmin ah an thi colh tiah meng 6 khua hruaitu upa pakhat nih cun a chim.

Hi bomb a puah ruang ah Tapikcin khuapi kabeh sang i a um mi, U Kyaw Naing kum 52 le a fapa Mg Yin Ko Ko kum 12 minung cu an taksa zong lak awk pakhat hmanh um lo in faktuk in an thi.

Hi bomb a puah lio can ah hin, U kyaa Naing i a nupi cu lolak ah kaam hmun a thlawh lio cuahmah a si i hi bomb a puah nak in a luat ti a si.

Tapikcin peng hruainak i an hruaitu pawl zong bomb lei kongkau theih khawh nak cawngding in an i timhtuah cuahmah lio a si tiah theih a si.

Be First to Comment

Leave a Reply

Your email address will not be published. Required fields are marked *