Press "Enter" to skip to content

Sung Lawi Taktak In Myanmar Idol Chinmi Minung 4 All Chin Society Yangon Nih Upatnak An Pek Hna (+Hmanthlak He)

All Chin Society Yangon nih Myanmar Idol Season 4 ah teinak a hmumi Chinmi hna upatnak roca peknak le rawldumpinak cu January 2 ah Yangon khua i Novotel Hotel ah an tuah.

Cu hmun ah cun Esther Dawt Chin Sung, Yaw Kee, Benjamin Sum le Tha Khun Kyaw an zate in an rak i tel kho hna.

Thawngpang dang kan van thil chih >>>>>

US President Trump Nih Isreal Fa Hna Cung I Kut A Thlak Mi Cu

A tu lio Isreal ram an buaikhawh ning hi cu, ttial cawk zong asilo i, an buaibiknak a ruang cu, cozah mumal/ fiangfai in an ngeih lo caah a si kan ti siah cun kan palh lai lo dah, Hi lio ah hin Iran nih a bawmh mi hna ralhrang hna le a pongkam ram hna nih cun,ni fatin hrocernak hawlhka dawh lotuk mi le tterhkhawnnak in an hro lengmang ko cang.

Kan theih bangin Isreal hi zei ram hmanh nih a bawmh lo mi le US longlong nih a bawmh mi asi ti cu kan cia bang in, US hi um hlah sehlaw, an kah cang lai ti cu ,ruah damhnak zongin theihkhawh asi cang. Isreal Mossad hna nih cun, Iran officer pakhat nih Syria ram chung i Iran ralkap hna sin i a kal lio ah ,thah ani timh tiah a puh i, hi ruangah hin, Iran nih Isreal cu faktuk in a hro i, ka mi pawimawh mi hna pakhat nunnak na lak siah cun,Isreal cu, nangmah le na ram he vutcam ah ka canter lai tiah a ti cang tiah theih asi.

Hi bia hi Iran foreign Minister Mohammad Javad Zarif nih cun nizan ah khan media pawl sin ah a chim cang tiah theih asi. sihmanhsehlaw, Isreal lei in zeihmanh lehnak a um rih lo tiah an chim mi cu a si . Hi lio ah hin,US President Trump nih cun, Middle East i buainak a chauh tertu cu Iran hi a si lengah Isreal hi vawi tamtuk a tterhkhawn lengmang cang hna caah , Iran cu Isreal lakah i sumkhawhnak na ngeih lo i, kut thlaknak na ngeih siah cun, ralkap tthawnnak in phomh na si taktak cang lai tiah a ti ve cang ti si.

Hi lawng hlah Middle East Ram chung i US hawikawm ram hna lakah hin na duh duh in, cawlcanghnak nawl ka nin pelo i, Middle East ram chung US ralkap umnak na kah siah cun,zoh sawhsawh na si ti lai lo tiin a ti chih cang ti si fawn.Iran nih hin amah pumpak in,US ralkap hna umnak le Isreal hna hi a kap taktak bal hna lo i, ralhrang a bawmh mi hna akah ter lengmang tawn hna caah US President Trump nih a sumkho tilo i, a tu bantuk in a tinak hi a si cang tiah media lei nih cun an langh ter ve cang ti si. chininternationalnews

Be First to Comment

Leave a Reply

Your email address will not be published. Required fields are marked *