Press "Enter" to skip to content

Step 2Nak Cancer Zawtnak Nih A Den Cuahmah Mi Zumtu Tha Myanmar Singer Mee Mee Khe Biachim Mi Nih Mipi Thinlung A Khehkhuai

Mipi nih an uar taktak mi,hlasak thiam minthang Mee Mee Khe cu a tu hi step 2nak Cancer zawtnak nih a den cuahmah lio pi a si.cun, Mee Mee Khe nih zawtnak hi step 2nak Cancer a si caah a mah zohtu Doctor Sibawi pawl hna nih cun an hnabei a dong i,a nun hmanh an zum ti lo.a thih tuan le a tlai lawnglawng a si ko cang tiah theih a si.Asinain a mah Mee Mee Khe nih cun Cancer zawt nak nih a tei khawhlo mi Sertu Pathian a ngeimi ka si caah hi zawtnak in ka dam hrimhrim lai tiah biatak tein Pathian bia in a mah le a mah thazaang a pe i,Pathian lei ah kar a hlan nak le Pathian a bochan nak konglam hna cu a mah fans pawl hna sin ah thazaang pek nak le forhfialnak caah a hman chin.ramleng a kal in a hungtlun hnu ah cun hi tin a chim.

Cancer zawtnak ka ngeih an theih in mi tampi hna nih cun a nung ti lo dingah an ka ruah caah le dawtnak le zaangfah nak in ka inn ah an rak ra i,thazaang an rak ka pek.a thinlung a der thawm sual lai tiah lungt’hawn nak an rak ka pek i,a lam kip in an rak ka hneh caah ka lawm taktak.asinain cu ti bantuk nih thazaang an ka pek nak le an rak ka hnemhnak nih cun ka thinlung chung taktak ah zei hmanh santleihnak a um lo,zeicatiah cun a tuartu ka si caah kei mah sining taktak cu kei mah nih ka rak i hngalh deuh caah khan a si.

A pakhatnak ah ka fans pawl hna le a ka dawtu hna sin ah thazaang pek chin kan duhmi hna cu,”ka dam lo nak ruangah ka um nak ram in ramleng ah i zohkhenh dingah kal ka herh caah kei mah danlonak ruangah mi zei hmanh nih thazaang der in rak um hrimhrim hna uh!cun kei mah bantuk Cancer zawtnak a ngeimi vial te hna Cancer zawtnak kan ngeih ruangah thazaang der in kan um awk a si lo.zeicatiah thazaang der in kan um nak ruang nih kan zawtnak cu a santer i,zawt nak hrit a karh chin.Cucaah zawt nak hrit kan tei khawh nak ding caah (lung t’hawn nak)kan ngeih hrimhrim a herh.cun, Cu lunghna ngamnak le lung t’hawn nak kan ngeih khawh nak dingah Baible thiang kan rek peng a herh.Baible thiang na rel peng a si ah cun na lunghna a ngam chin lai i,lungdeihnak le hna ngamnak in na khat lai tiah a chim.

Cun, Mipi nih keih mah kongah ka damlo nak konghe pehtlai in i zohkhenh nak ding caah ramleng ah ka kal dingmi micheu hna nih cun a dam deuh phum hnga maw? tiah a ruat mi zong nan um ko lai.Aruang cu a ka zoh khenhtu Sibawi te hna nih a dam khoti lo dingin an ka ruah mi ka si caah a si ko.kei mah zong nih zei tik dah ka thih lai tiah khua caan ka rel tawn ve i ka t’ap zungzal ve ko.ka taksa ka zoh tik ah nikhat hnu nikhat in ka tla i,ka sam tiangin a kawlh dih.asinain Sertu Pathian nih thaw a chuiah hnawh mi Baible thiangin thazaang ka pe.thla ka cam tik ah ka lungretheihnak vialte cu an tlau dih.ni fa tin in tisik-ann hnah pawl hi ei khawh ka zuam peng pin ah it caan le ei caan kha ningcang tein ka t’hen i cu ti cun caan saupi ka hmang tiah a chim.hi Capar hi Mee Mee Khe nih ramleng ah a zohkhenh hnu in a rak tlun hnu ah a chim mi bia a si.Cancer si cu a ding peng rih na in a mah nih cun a dam tluk ah a ruah cang tiah theih a si fawn.

Be First to Comment

Leave a Reply

Your email address will not be published. Required fields are marked *