Press "Enter" to skip to content

She’s Gone – SteelHeart (Cover) by P. Thawng Bawi Khuaruahhar In A Thiam (+Video)

Cu tluk va thiam khawh cu Chinmi chungin hlasak thiam aw sang kan i ngeih mi P. Thawng Bawi nih vawlei cungah hla sang bak tiah chiah ve mi “She’s Gone” timi cu khuaruahhar sang in le ttha in a phomhnak hi rak ngai ve hmanh a aw san ning le a cheih khawh ning hi khuaruahhar taktak bak khi a si ko. Amah tluk hi cu kan laipa ah hin cun a um bak rih loh hih. Kan miphun caah Bawipa nih hmang chin lengmang ko seh.

A tanglei ah a hlasak nak video kan van thil i Click Video timi te khi rak hmet te law a hlasak nak a lang lai. A page zong LIKE pek khawh cio rak zuam hna usih.

CLICK VIDEO

Thawngpang dang hi van relchap hna usih >>>>

US Election Zoh a Dawhlo Chin Lengmang Cang – Investors pawl an Tha lawng a Thir ko cang

US president thimnak ca i timhtuahnak he pehtlaiin investors pawl an thin lawng an phang cang hna. A tuning te i kan politics zohdawhlo tuk in a um ko rih ah cun kan markets vialte a hninhsaih dih te lai, tiah an chim.

Tutan president thimnak a mui a chiat khunnak a ruang bik cu thimnak phun le phai Donald Trump nih ningcang loin tuah ai tim dih cang caah a si, tiah mifim pawl nih an chim. Vote pek dingah ai fiangmi pawl lakah Biden nih Trump cu 9 percentage point in a tei i, vote pek lai le pek lai lo a fiang lem rih lo mi hna pawl lakah faakpiin a tei, tiah Reuters/Ipsos opinion poll nih a langhter.

Tutan election hi a mui a chia (ugly)/ zoh a dawhlo chin lengmang cang lai. A hnuarsuan dingmi thil tampi a um lai. Asinain, caansau belte cu a rau lem lai lo. Zarh 2 chung hrawnglawng a si te kho men, tiin Janus Henderson Investors ah head of global bonds a si mi Nick Maroutsos nih a chim.

Nang maw kei, tiin a linsa ngai cangmi US president thimnak cu Thursday in khan Trump nih ningcang lo in lehthal aa timh. Kan mipi pawl thatin le himbawmtein vote an pek khawh te tik tiangin kan election ni le thla hi thawn ah a tha lai, tiin Trump nih a chim.

Vote an pek huaha lem lo zongah mail in vote pek mi a phichuak hi cu ka zumrai lo, tiah Trump nih a chim. Vote a petu minung 5 lakah 1 paoh hi cu mail in vote a petu an si zungzal ko. Asinain, November ah hin cun mail in vote a petu milu hi a letkhat in a karh kho mi a si, tiin zumhnak an ngei.

Markets tampi hna cu election dih hnu ah a cang kho mi chawlehnak hnursuan a ton lai mi kongah a tu tein heh tiah timhlamhnak an ngei cang hna. Federal election ca i nithla an tuk cia mi hi Trump nih thlennawn khawhnak nawl a ngei lo – Congress lawnglawng nih cu nawl cu a ngeih. Ahonih a tei, ti hngalhlo mi election nih hin benchmark S&P 500 hi a deetkhawt ngai te lai. 2000, Nov. 7 election lio le Al Gore le George W. Bush an i cuh lio ah khan S&P 500 hi 1.8% tiang a tla i, zarh khat hnu le bangah cun 5% tiang a tla, tiah Capital Economics nih a chim.

Mail in vote thla a si ruangah tutan election hi 2000 lio i Florida ah a cangmi nakin a harsadeuh ding a si, tiah Cumberland Advisors ah chief investment officer a si mi David Kotok nih a chim. Cu lio ah cun Vice president a tuan bal mi Gore a lung a tlinglo i, vote rel than dingin nawlnak a rak tuah bal. Florida state pumpi nih an thlakmi vote vialte rel taimai cu a herh lai lo, tiah US Supreme Court nih an fehter hnu ah culio i Texas Governor a tuan lio mi Bush tu cu buan an rak coter.

Markets pawl vava an tum lai, ti hi kei ka hmuhning a si, tiah Kotok nih a chim.

Call Spread zeitluk tiang tuah a si lai kan hmu fiang kho rih lo. Election lawnglawng hi kan i hmaithlakbik ding thil cu a si ko, tiah Susquenhanna Financial Group ah co-head a si mi Chirstopher Murphy nih a chim. A liamcia ni 10 chungah khan cun VIX tahfung zoh tikah, a hmailei nakin a donghnak lei zawn khi ai ningcang deuh in a lang. A ruang cu, election hnu lei le coronavirus nih winter tiang a kan den rih lai dingmi puicimhnak ruangah a si.

Tutan zarh ai thokka in khan tahnak fung cu ai S&P 500 zawngah cunglei ah i kuai nawnpi khin kai lei a panh ngai. Mah le mah ai kilven a hau, tinak a si, tiah RBC Capital Markets ah mifim a si mi Amy Wu Silverman nih a chim. Tutan election a umkal ning an zoh tikah an lungre a theih caah investors pawl cu an chawlehnak tahfung cu kum dongh tiang khin an hun thumh chung hna.

Asinain, zeibantuk thil hmanh nih market hi a chiatchuah zongah, caansau cu a tumchuk lem lai lo.

Zarh 2-3 chung i kan ton dingmi tlakchiatnak in i hmumzual duh ruangah kan i ngeihmi phung le tahfung hi kan thlen lai lo, tiah Maroutsos nih a chim. Chelsea Bawi

Be First to Comment

Leave a Reply

Your email address will not be published. Required fields are marked *