Press "Enter" to skip to content

Sami Khua Ah Paletwa Ralzam Aa Dor Mi Minung 2,265 Chungah Nu Naupawi 24 An I Tel

Kawl ralkap le AA hriamtlai kahdohnak ruangah Paletwa peng in minung 2,265 hna cu Sami khua ah aa dor mi hna chung ah nu naupawi minung 24 an i tel tiah tuanvo ngeitu siin theih a si. Chin ramchung Paletwa peng ah raltuk nak a fah chin lengmah caah khua mi hna cu himnak duh ah March 16 ni in Sami khua ah an zam hna. March 18 tiang cazin ning ah Sami khua ah a zam mi minung 2265 an si cang i cu chungah kum 15 in a tanglei le nino deuh minung Pa 367, Nu 372 le nu naupawi 24 an i tel.

Palewa pengin ralzam mi hna cu Sami khua ah i dor chungnak hmun thum Phungki sianginn, cozah sianginn le Town Hall hna ah hmunhma thenphawt an si.

Sami Taih-ne siizung ah thlopbulnak sii-ai cheukhat zong a rak dih bal nai Matupi lei in hmanchom ding an rakkuat hna nain hmatuamnak le a dangdang an chanbau rih. Cun Mindat siizung lei in siibawi cheukhat hna zong Sami khua ah thlah piak ding in timhtuahnak an ngei.

Atu lio ralzam hna umnak hmu ah Ti, Mei, puanvurh le ek-inn tibantuk chanbau in an um hna i a tuni tiang ralzam bawmhnak petu phu an um rih lo tiah mi Sami khua um mi, bawmhchannak kongah riantuan tu le People Hope Org. phu Director Jolly Aung nih pumpak facebook ah a langhter. thechinlandpost

Be First to Comment

Leave a Reply

Your email address will not be published. Required fields are marked *