SAC Ralhrang Kut in Thantlang Khuami Minung 6 an Nunnak a Liam Cang

SAC Ralhrang Kut in Thantlang Khuami Minung 6 an Nunnak a Liam Cang
————
Aluancia August 25 in September 30 tiang ah Thantlang khuasa minung 6 cu SAC ralhrang kut in an nunnak a liam hna. A nunnak a liammi hna cu: (1) Pa Van Bawi Thang (kum 10) (2) Pa Uk Lian Kam (kum 14) (3) Pu Hlei Bik (4) Pastor Cung Biak Hum (5) Pu Ral Tu (kum 77) (6) Pu Hram Cung (kum 59) Thil Sining

(1) Van Bawi Thang (kum 10): August 25 ah Thantlang khuachung ah SAC ralhrang nih meithal le bomb an kah ruang ah meithal kuan nih a khen i a nunnak a liam. (2) Pu Hlei Bik le Uk Lian Kam (kum 14): August 25 ah SAC ralhrang nih an kahmi bomb innleng ah chuahnak ah a puak i an nunnak a liam. A dang minung 11 hliamhma an pu hna.

(3) Pastor Cung Biak Hum: September 18 ah Thantlang innkaang meithah bawmh ding in a kal lio ah SAC ralhrang nih an kah. A sui kutdonghrolh lak awkah a kutdong an tan. Phone le suimilam an lakpiak chap. (4) Pu Ral Tu le Pu Hram Cung: September 29, Hakha in Thantlang an rak tlun lei ah Thantlang khualuhnak pawng ah SAC ralhrang nih an kah hna. Credit : The Chin Journal

Leave a Reply

Your email address will not be published. Required fields are marked *