Press "Enter" to skip to content

Rung Lian Ceu Paih Ning Style Cu Venuzo Nih A Hman Bak Ve Cang Ko Hih – Video

Naga paih ning hi zoh an dawh kho taktak, Naga pawl hi mi tthawng bak hrim an rak siko. An nih cu an chim ning ah a tthawng lo ding hrim an si loh, an sa ei ning hi an thei mi nih an chim nak ah cun, Sa hi an ei kho tuk, cu hlei ah hmin tuk lo a hring deng mang bantuk khin an ei cu hlei ah tam taktak an ei a buh lei khi cu an ei tuk loh a sa tu hi tam taktk an ei tiah a thei mi nih an chim ning a si. A dik ko lai an tthawn ning hi khuruahhar an si, pa fa tete zong an tha tthawng ning khi mu.

Kum hram thok i kan laimi pawl Naga an va kal kha kan chinram paih pa tthawng pawl cu, paih ah a chuak mi an pader pawl hmanh nih an huai an huai ko hna kha, an cawl cangh tthat ning le an tha hman ning kha mak kho taktak khah. Cu caah Naga pawl hi an rak tthawng ve hrimhrim ko.

October 25, 2019 ah khan, Naga Wrestling cu sunglawi taktak in an tuah tthan i mah cu ah cun Venuzo Dawhuo le Keduovilie Zumu an i phomh ko, an pumrua ai tia in an taksa hi a ttha kho ve taktak, Vok thau sum 6 veve bak khi an si ko zoh ah hin zoh cim lo veve bak an si.

Mah cu an Wrestling ah cun Venuzo Dawhuo le Keduovilie Zumu cu an i tawng ko, zoh an dawh taktak, kum hram thok lei deuh i Rung Lian Ceu a kal ah khan ai paih ning kha Venuzo nih ai lak mi a um cucu, mah ka zawn ah Rung Lian Ceu Style lak in Keduovilie cu a voihnihnak bak ah khel cung chuan in a phomh ko ai dawh kho ve taktak.

Naga pawl an i paih hi zoh an dawh kho ve taktak, rak zoh ve hna hmanh u sih, an van ttan bak i an van i lak ah khin a hrum bak in an van hrum le mah bak khi a zoh tu ca zong ah lung a hmui khun, uar an um bak.

Video

Thawngpang dang relchap rih sih >>>>>

Kawlram Minthang Actor Phyo Ya Za Niang Nih Esther A Uartuk Nak Kong A Chim (+Video)

Atu lio kawlram minthang Phyu Raza nih cun Myanmar Idol Season 4,hlasak zuamnak ah a tel cuahmah mi Top 6 tiang in a kai cang mi Esther Dawt Chin Sung kongah tuchun ah mah tin a chim,”kei cu a ka hringtu ka pa hi a cozah rian t’uantu a si ve caah hmun kip ah kan um i Halkha zongah saupi kan rak um cang i Laitlang a t’hang lian mi ka si caah Laiholh zong ka thiam peng ko rih.Cun Esther zong hi Suhkahyeete hlasak zuamnak ah a rak itel ve i ka rak theihtuk mi a si”tiah a chim.

Cun,Esther he hin Suhkahyeete hlasak zuamnak a rak i zuam t’i mi ka hawi zong a si.a tutan Myanmar Idol Season 4,hlasak zuamnak ah a vun itel tik ah a hman thlak ka zoh tik ah a rak t’hang ve cang i,Suhkahyeete hlasak kan rak izuamnak hmanthlak ka zoh hnu in ka hawi a si kha ka theih khawh.Esther nih Myanmar Idol a zuam hi a min cu ka theih ko na in kan hngakchiat lio ka hawi Esther kha a si lai tiah ka ruat lo.

Asinain a sining ka dothlat tik ah kan hngakchiat lio ka hawi Esther a si kha ka vun theih tik ah Mipi sin zongah ka hawi a si kha theihternak/ka chimh hna i,Esther cu mipi zong nih thazaang an pek cang.cun kan nih Unau rual hna cu Laitlang ah a t’hang lian mi kan si i,kei hna cu tanghra ka awn tiang Lai tlangah Sianginn ka kai.kan Unau rual in Laiholh zong kan thiam dih.

Cun,Laimi hna hi cu an hngakchiat lio tein Sunday School a kai mi an si tik ah hlalei zongin an t’hangcho a hranpa tein cawn an herh tuk ti lo.asinain kan nih Kawl miphun hna cu Laimi bantuk in Sunday School a kai mi kan si lo tik ah hlasak lei hi a hram thok tein cawn kan herh!kei zong ka hngakchiat lio Latlang kan um lio ah cun Sunday School ka kai ve i a nuam taktak.curuangah a tu tiangin Laimi phun hna hi ka dawt khun hna,Laimi cu a toi dor mi le mi a upat thiam mi a si.cun,thil pakhat khat kan tlau sual zongah kan sin a rak phan t’han miphun dang bantuk in thil an la in an fir bal lo.a video rak ngai ve hmanh.

Video

Be First to Comment

Leave a Reply

Your email address will not be published. Required fields are marked *