Press "Enter" to skip to content

Rel Phu Ngai A Si : Hi Nungak Nute Nih Hin Mi Sifak Pate Cawhnuk A Pek Tawn , Kum Tampi A Liam Hnu Ah Cun

Sianginn kai nak a ngei ve lo mi hngakchia pa Howard Kelly cu mi inn ka hram ah kutka kingh in a dir
i thil tete a va zuar tawn . nikhat cu phaisa phaisa 10 te lawng a ngeih cang caah a paw tam tuk i chang
cawk nak zong a deih ti lo caah a paw tam celh ti lo i eiding hal awk in ai tim .

inn pakhat kutka hram ah a dir i kut ka cu a kingh i , nungak note nih cun kutka cu a van on piak . ei ding hal lo in
din ding tu a hal than . cu nungak nu te nih cun cu pa te cu a pa ttawm a zumh caah khuat lianpi pakhat in cawhnuk a van put i a din ter .

cu pa te nih cun duh sah te in a din dih hnu ah cun zeizat dah kan pek te lai tiah a hal i , nungak note nih cun zeihmanh pek than a hau ti lo ee
thiltha kan tuah mi cung ah zeihmanh ruahchan nak ngei lo dingin ka nu nih a ka cawn piak mi a si tiah a leh ve .

hngakchia pa te zong nih cun hi bantuk thil a siang mi hi ka hmu bal hna lo na cung ah thinlung dihlak in
kai lawm tiah lomhnak cu a chim ta i a kal ve .

harsa tak in a nung mi a si nain cu nungak note hmang cun ruahchan nak thar a ngei kho than i zuam nak thinlung tampi a ngei kho than .

kum tampi a liam hnu ah nungak nu cu dam lo nak a ngei i khuapi pakhat ah a dam lo nak ruang ah hospital a va phan .

cu hospital ah doctor a tuan mi cu midang si lo in cawhnuk a rak pek mi hngakchia pa te cu a rak si diam ai .

Doctor nih cun dam lo mi pawl an min a theih bak cun cu nute cu a rak i chinchiah i a theih colh ve .

cu ti cun consultation room ah cun a lut than i , a si khawh chung in dam ter cu ai zuam i can a van kal i dam nak taktak zong a hmu ve .

cu ti cun hospital i zohkhenh nak bill cu pek a hung za i , doctor pa nih cun a business office riantuan tu cu bill report final cu
ka sin ah rak pu hmasa tiah a chimh cia i , cu bill cung ah cun ca a tial ta i dam lo sin ah va pe tiah a ti .

dam lo sin ah cun bill cu a va pek i dam lo nu nih cun phaisa tamtuk a dih lai i a phaisa neih mi nih a deih lo ah cun
phaisa tampi cawi zong a herh te lai tiah ai ruah .

bill cu a va lak i bill ca bawm cu a van on i a chung ah ca a rak i tial mi cu a hmuh .

ca ai tial mi cu ” Cawhnuk khuat khat hmangin pek tlak a si cang ” Dr. Horward Kell tiah ai tial mi cu a hmuh .

zei tik hmanh ah a cung ah that nak a chuah tu cawhnuk pe tu nu cu a philh bal lo i , kha cawhnuk khuat
khat te kha a pe tu nungak nu caah cun zeihmanh a si lo i a philh zong a philh tuk cang ko lai .

a si nain , Kelly a caah cun philh awk tha ti lo mi a si .

cu a rak daw tu nu cu a dam lo nak bill vialte cu fangkhat hmanh a lak piak lo i free tein a zohkhenh dih ve .

mi cung ah thatnak na tuah mi te kha nikhat khat ah cun na caah theipar tha bantuk in a par than te lai .

Be First to Comment

Leave a Reply

Your email address will not be published. Required fields are marked *