Ralkap Pawl Nih Kachin Mino Pa 3 Cu An Tlaih Hna

Kachin mino 3 cu ralkap pawlin MyTel phone ban nan siatsuah tum tin tuizing September 14 zinglam ah an kai. Ralkap pawlin thuneihnak an lak hnu ihsin an kuthnuai ih um MyTel cetzung le ban pawl cu mipi in an siatsuah rero zo.

September 7 ihsin Sagaing ramsung ih um MyTel ban 13 an siatsuah zo. Curuangah MyTel cetzung, ban kiangkap ah ralkap pawl an duty ringring. September 13 zanah Kachin mino 3 cu MoeYhain, Pin He khua kiangih um MyTel ban kiangah an va feh, ralkap pawlin datsii an kengih ban cu an urkang tum an ti.

Tualsung mi pakhat in, “Mizan nazi 10:00 hrawngah datsii pung keng mino 3 cu MyTel ban kiangih an feh ruangah ralkap pawlin an rak kap ciamco, kaih an tum nan an tlansuak thei. Asinan, phone le an bike an tanta, tuizing ah mino 2 in an phone le bike cu va lak an tum ih an rak kai” a ti.

Cutin, midang pakhat khal an va kai. An kaihmi mino 3 ih hmin cu Min Thura Zaw, Maung Wai Thet Soe le Maung Paing Phyo Wai pawl an si, kum 17 mi hrawng an si ih Pin Thar le Pin He khua ih um an si. An kaihmi pawl cu ralkap in kut an thlak ciamco ih ralkap thusutnak hmunpi ah an kuat tum, an innsang pawl thawn khal tongawk an siang lo. Credit : meifar

Leave a Reply

Your email address will not be published. Required fields are marked *