Ralkap Bawi Pakhat Nih Chin Nu Sayamah Nu Fak Tukin A Vuak

Chinram Matupi sianginn pakhat, Ah-thah-kah (1) ah dat-khuai lei i thiamnak a ngeimi sayamah Nu Bawng cu Matupi i ralkap ralbawi Pyih Sung Min timi pa nih December 18 ahkhan a bengh tiah theih asi.

Hi kong he pehtlai in Khonumtung Burmese Media nin sayamah Nu Bawng cu bia an hal i, “mah ralbawi pa he hin a liam cia 2017 kum in kan i thei cang. Mah ralbawi pa caah hin midang sinah keimah min in aa-mah ka khan piak i tangka ka cawi piak. Ka cawi piakmi a cham ti hna lo i ka nu le ka pa ka chimh hna.

Khua nu/pa hna kan auh hna i ni zaan kha kan ching. Tangka le sachuk cu tling tein a rak i ken. Hi sachuk a rak i kenmi chung ahhin lehhmah ka thut duh lomi pakhat a um. A dang luhmuhzi kong he taza cuai khawh ti lonak ding caah lehhmah thut ding ca a rak i ken i ka thu duh lo. Tangka cu ka lak i ka kal. Ka hnu lei in a rak ka dawi i ka biang ah voihra hrawng a ka bengh. Ka sam in a ka tlaih. A ka rawt i a hnu ahcun ka tuar khawh ti lo caah lehhmah ka thut piak” tiah a chim.

Hi kong he pehtlai in Sayamh Nu Bawng nih mah ralbawi pa hi Matupi palik sakhan ah a report.

Hi Sayamah nu theng ka tinak siloiin midang zong Miphun dang dawt le komh hi cu a phichuak ah thiltha a um theng loh!.

Be the first to comment

Leave a Reply

Your email address will not be published.


*