Press "Enter" to skip to content

Rak Rel Ve Hrimhrim : Malaysia Ah Lainu Pakhat Nih Shopping Mall Thil Thlen Nak Chung Ah A Ton Mi

Thil i thlen nak puanzar phen ah cun thil i hruk ( test ) dingin ka lut i , cu lio ah cun dawr vengtu pa pakhat nih cun  thil thlen nak puan zar cu a van hun i a van hawn hramhram mi a si ko mi kha puan zar a tla sual lai ti ruang ah a tleih  piak mi bantuk cun ai um ter . hi thil hi Malaysia , Nu thilthuam zuar nak hmun Wallis departmental  Store ah a cang mi a si .

cu ka hmanthlak cu facebook lei ah a rak phan colh ko ai . hi thil thlen nak hi nu ca lawng ah tuah mi a si lo maw ?  a si lo ah rian tuan tu pa pawl zong cu ka ah cun ziah an duh poah in an luh khawh ve ne ? cun thil kai thlen  lio ah a rak lut mi pa kha teh a ti sual mi cu maw a si tak ko ? a si lo ah a rak ti hramhram mi tu dah a si deuh hnga ?  zei ti ah dah kha ka khaan ah khan a rak luh nak a si ne hnga ? cucu Pathian lawng nih a theih lai .

kha pa nih a ka zoh dan kha a mit au hrim khan mifel a si lo ti cu ka theih khawh tuk fawn . ka taksa zong ai dawh ve tik ah  a thli in a ka zoh tu pa a thinlung cu ka theihthiam khawh tuk ve fawn .

cu hnu cun khua ka ruat i ka lung buai ngai . ka thin a lin ka ai puang , ka lung a mit i zei ti tuah ah dah a that bik lai  tiah khua cu a phun phun ka ruat . complain ah maw a that lai zei tin dah ka ti hnga ti rumro ka ruat .

dai tein ka um sawh ah maw a that hnga midang zong nih an ka hmu ve lem lo le ti ka ruat . a si nain
a si nain hi ti hin khua ka ruat than .

nikhat khat cu hi bantuk hi ka fanu cung zong ah a tlung kho mi a si ti ka ruat than i a si nain  nu nih cun zeihmanh chim rel nak nawl kan ngeih tung lo dai te a um men ding pei kan si ko cu ka ti ko ne lai maw ti tiang ka ruat than .

si hlah ee , dawr ngeitu sin zong ah va complain hmanh hmanh ning law sorry bak si ti hlei chim ding an ngei hlei fawn lai lo . a hnu lebang ah cun RM 1000 ( Malaysia phaisa Ringgit) te cun lung awi ter an ka timh sawhsawh i  ka duh ve hlei lo . nu kan man hi phaisa RM 100 men in thlen ding a si lo .

hi thil ka ton hnu ah hin nu thil zuar nak dawr ah pa pawl rian tuan nak poah ah cun ka kal ti lai lo
tiah biakhiah nak ka ngei colh ve . hi ka thil post mi ruang ah hin ka nu hawi pawl nih hi bantuk thil nan ton tik ah chim ngam lo in um  ve hrim hlah u ti ah cah kan duh hna .

ka ti sual ti men in na thil thlen nak room chung ah cun pa an rak lut lai i ka ti sual ti men in  tleih hrem zong na tong kho ti kha rak i theih law ral tha tein nu na si nak kha dir pi tiah kan cah duh hna .

Note : Hi kong hi a taktak a si i Malaysia ah a um mi nungak pakhat nih a ton mi facebook ah a tar mi a si .

Be First to Comment

Leave a Reply

Your email address will not be published. Required fields are marked *